19:08 - Ժողովրդին մեղքերի թողություն պետք չէ, պարտքերի թողություն է պետք         17:15 - Աղմկոտ հայտարարություն Ստեփանակերտում. Փաշինյան-Սահակյան հանդիպում Երեւանում      16:55 - Չեմ կարծում, որ մեր փողոցներում պետք է մեր ղեկավարների խոսքերը փակցնենք.Սա ո՛չ Սովետական միությունն է, ո՛չ Կիմ Չեն Ինի Կորեան    

07 հոկ 2019 13:34

Անընդունելի է, որ 30 տարվա պատմություն կերտած նախագահներից մեկը գտնվում է անազատության մեջ

Ես ասել եմ, որ ինձ համար անընդունելի է, երբ 30 տարվա պատմություն կերտած նախագահներից մեկը գտնվում է անազատության մեջ: Այս մասին Երևանի ընդհանուր իրավասության դատարանի Շենգավիթի նստավայրում լրագրողների հետ զրույցում ասաց Պաշտպանության նախկին նախարար Սեյրան Օհանյանը:

Նշենք, որ քիչ անց կմեկնարկի դատական նիստը, որի ընթացքում ՀՀ երկրորդ նախագահ Ռոբերտ Քոչարյանի պաշտպանական թիմն ինքնաբացարկի միջնորդություն կներկայացնի դատավոր Աննա Դանիբեկյանին։
Անդրադառնալով մի շարք հասարակական-քաղաքական գործիչների ստորագրահավաքին, որով պահանջում են, որ Ռոբերտ Քոչարյանը լինի ազատության մեջ, Սեյրան Օհանյանն ասաց. «Այն քաղաքական-հասարակական գործիչները, որոնք գնահատում են իրավիճակը, համապատասխան միջոցներ ձեռնարկում են: Կարելի է այդ ամենը իրականացնել և թույլ տալ նաև, որ ինքը լինի ազատության մեջ` առավել ևս, որ Ռոբերտ Քոչարյանը հանգիստ, համարձակ եկել, ներկայացել է, երբ անհրաժեշտ է եղել: Ինչ պահանջներ դնում են նրա առջև, նա կատարում է»:


Պաշտպանության նախկին նախարարը նշեց նաև, որ վաղը Գերմանիայի Դաշնության դեսպանատուն է դիմելու` բուժման նպատակով այնտեղ մեկնելու համար:
«Կարծում եմ, որ այն փաստաթղթերով, որոնք ներկայացնում եմ, թույլտվություն կստանամ: 2011 թ.-ին ձեռք եմ բերել պրոթեզ և դրանից հետո 3 անգամ մեկնել եմ՝ 2 տարին մեկ: Այնպիսի պրոթեզ է, որի սպասարկումն իրականացվում է միայն ու միայն Գերմանիայում: Ես կմեկնեմ մի քանի օրով և կվերադառնամ»,-ասաց Սեյրան Օհանյանը:
Ես ցավում եմ, որ մենք կորցրել ենք մի մարդու, ով հասարակական, պետական, քաղաքական գործիչ է եղել: Լրագրողների հետ զրույցում հայտարարել է Սեյրան Օհանյանը՝ խոսելով նախկին ոստիկանապետ Հայկ Հարությունյանի մասին:
Օհանյանը հիշեցրեց, որ քրեական գործ է հարուցված, ինչի շրջանակներում պետք է պարզվի, թե ինչ է եղել. «Ես հարգել եմ այդ մարդուն ու հարգում եմ»:
Օհանյանը խոսեց նաև Արթուր Վանեցյանի հրաժարականի մասին՝ հայտարարելով, որ նշանակովի պաշտոնների դեպքում հրաժարականներն անընդունելի են. «Կադրային քաղաքականություն է տեղի ունենում և երկրի ղեկավարությանը պետք է հարցնել, թե ինչու են նշանակում կամ ազատում տարբեր մարդկանց»:


Մեկնաբանություններ

Համընկնող լուրեր