Արդյոք Քննչական կոմիտեում «գլուխ պահողներն» էլ են պարգևատրումներ ստանում
ՔԿ բոլոր աշխատողներն ամեն ամիս 30 տոկոսի չափով պարգևավճար են ստանում: Այս մասին լրագրողներին հայտնել է ՔԿ պետ Հայկ Գրիգորյանը, ում խոսքերով, պարգևատրումը սոցիալական խնդիր չէ. «2019 թվականի առաջին 9 ամիսներին մենք քննել ենք 26 հազար 37 գործ, ինչը գերազանցում է 2017 ու 18 թվականների ամբողջ տարվա ծավալը»:ՔԿ պետն ասել է, որ 76-ով ավելի շատ քրեական գործ է ուղարկվել դատարան. «Թվերը կարծում եմ հուշում են, թե ինչ ծավալի աշխատանք է կատարվել»:
Գրիգորյանը հայտնել է, որ 30 տոկոսի չափով պարգևատրում ստանում է նաև ինքը՝ հրաժարվելով ներկայացնել կոնկրետ թվեր ու հորդորելով հարցում ուղարկել:
Հարցին՝ մի՞թե չկան գլուխ պահողներ, իսկ եթե կան, ինչու է բոլորին պարգևավճար տրվել, ՔԿ պետը նշել է, որ կան ծառայողներ, որոնք այս կամ այն բացթողումների համար պարգևատրումներ չեն ստացել:
