17:23 - 20 հազար դոլար և մեծ չափի ոսկյա, թանկարժեք զարդեր են հափշտակել չհրկիզվող պահարանից         16:50 - Սեքս-սկանդալ. Եղիսաբեթ II–ը պատժել է որդուն`զրկել պետական պարտականություններից և տարեկան 320,000 դոլար աշխատավարձից      16:26 - Ինչ եղանակ է սպասվում Հայաստանում առաջիկա հանգստյան օրերին    

08 նոյ 2019 16:01

Խնդրում եմ այդ 50.000-64.000 նոր աշխատատեղերից 15-ի տեղը ասեք՝ բուժաշխատողները գործազուրկ չդառնան

«Գյումրիի ինֆեկցիոն-հակատուբերկուլյոզային հիվանդանոց» ՓԲԸ-ի հակատուբերկուլյոզային բաժանմուքի լուծարման պատճառով 15 բուժաշխատողներ դառնալու են գործազուրկ: Այս մասին Facebook-ի իր էջում գրել է ՀՀԿ անդամ Նարեկ Միրզոյանը:
Նա, մասնավորապես, նշել է. «Օրերս հանդիպել եմ «Գյումրիի ինֆեկցիոն-հակատուբերկուլյոզային հիվանդանոց» ՓԲԸ-ի աշխատակիցներից մեկին, ով ծանուցագիր էր ստացել առ այն, որ 2019թ.-ի դեկտեմբերից ազատվելու է աշխատանքից՝ հակատուբերկուլյոզային բաժանմունքի փակվելու պատճառով:


Զրույցի ընթացքում պարզվեց, որ «Գյումրիի ինֆեկցիոն-հակատուբերկուլյոզային հիվանդանոց» ՓԲԸ-ի հակատուբերկուլյոզային բաժանմուքի լուծարման պատճառով 15 բուժաշխատողներ դառնալու են գործազուրկ:
Վերջիններս բազմաթիվ նամակներ և դիմում-բողոքներ են ներկայացրել պատկան մարմիններին՝ այդ թվում ՀՀ վարչապետ Նիկոլ Փաշինյանին, սակայն ապարդյուն, ՀՀ կառավարությունն այս հարցում անդրդվելի է:
Բաժանմունքի լուծարման հետևանքով Շիրակի մարզի ազգաբնակչությունը ստիպված է լինելու անցնել տասնյակ կիլոմետրեր՝ ստացիոնար բուժում ստանալու համար: Աշխատանքը կորցնելու վտանգի առաջ հայտնված բուժաշխատողները, խնդիրն առավել հանգամանալից ներկայացնելու և խորհուրդ ստանալու ակնկալիքով, ինձ փոխանցեցին նաև բաց նամակ՝ ուղղված ՀՀ վարչապետին, որում մասնավորապես նշվում է.
«Պարոն վարչապետ, խնդրում ենք Ձեր ուշադրությունը հրավիրել Շիրակի մարզի միակ ստացիոնար ՝ հակատուբերուլյոզային բաժանմուքի խնդիրների լուսաբանման վրա: Ձեր սիրելի առողջապահության նախարար Արսեն Թորոսյանի թեթև ձեռքի և «հանճարեղ» մտքի մտահաղացման շնորհիվ փակվում և օպտիմալացվում է Շիրակի մարզի միակ հակատուբերկոլյոզային բաժանմունքը, ինչի հետևանքով տուժում են ամբողջ տարածաշրջանի հիվանդները՝ գտնվելով ծանր սոցիալական վիճակնում»:
Նամակում նաև բուժաշխատողները խնդրում են հաշվի առնել պահի և ժամանակի լրջությունը, քանի որ փակելով բաժանմունքը՝ ավելանում է գործազուրկների թիվը՝ էլ ավելի ծանրացնելով աշխատակիցների սոցիալական վիճակը: Բուժաշխատողները նաև նշել են, որ ցանկանում են ապրել ու աշխատել հայրենիքում՝ չավելացնելով արտագաղթողների թիվը և ծառայել մեր ազգին»:
Գրառմանը կից ներկայացվել է բաց նամակի ամբողջական տարբերակը՝ ստորագրված բուժաշխատողների կողմից:


Մեկնաբանություններ

Համընկնող լուրեր