Տեսանյութ. Եկատերինբուրգի օդանավակայանում մարդկանց տարհանել են. դեպքի վայր են ժամանել փրկարարները, ոստիկանության ծառայությունները
Եկատերինբուրգի Կոլցովոյի օդանավակայանում տարհանել են մարդկանց։ Այս մասին հայտնում է E1.ru պորտալը։Ըստ օդանավակայանի մամուլի ծառայության՝ վտանգի մասին ահազանգ են ստացել և անմիջապես դեպքի վայր են ժամանել փրկարարները, ոստիկանության ծառայությունները։ Վերջիններս բարձրախոսով խնդրել են մարդկանց դուրս գալ օդանավակայանից։
Նշվում է, որ ուղևորների կյանքին և առողջությանը վտանգ չի սպառնում։ Նրանց խոսքերով, ահազանգը եղել է ականապատման մասին։
Ուղևորները հայտնում են նաև, որ թռիչքների հետաձգման մասին տեղեկատվություն չի եղել: