Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

11 նոյ 2019 11:46

Վրացիները չկարողացան դադարեցնել գեյերի մասին ֆիլմի ցուցադրումը

Թբիլիսիի և Բաթումի կինոթատրոններում, չնայած քաղաքացիների բողոքներին, շարունակվում են շվեդա-վրացական «Իսկ հետո մենք պարում էինք» ֆիլմի ցուցադրումները. ֆիլմը պատմում է ոչ ավանդական սեռական կողմնորոշմամբ երկու տղամարդու միջև հարաբերությունների մասին: Այս մասին հաղորդում է «Կովկաս. Ռեալիի» պորտալը:
Նշվում է, որ նոյեմբերի 8-ին կինոթատրոնի շենքերի մոտ սկսված բողոքի ցույցերը շարունակվել են նաև հաջորդ օրը, սակայն հավաքների մասնակիցների թիվը զգալիորեն նվազել է: Ներքին գործերի նախարարության տվյալներով 27 մարդ ձերբակալվել է: Նրանցից 3-ի նկատմամբ՝ ոստիկանության հանդեպ բռնություն և դիմադրությունն ցուցաբերելու համար, քննություն է գնում (համաձայն երկրի քրեական օրենսգրքի):
Բողոքի առաջին ցույցերը սկսվել են նոյեմբերի 8-ին Թբիլիսիի կենտրոնում՝ «Ամիրանի» կինոթատրոնի հարևանությամբ: Մութն ընկնելուն պես բողոքողների շարասյունը սկսել է շարժվել դեպի կինոթատրոն. դժգոհողների թիվը հասել էր մի քանի հարյուր մարդու: Ակցիայի մասնակիցներից ոմանց ձեռքերում կային ջահեր և պաստառներ՝ «Արվագիտության օրինականացումն ու քարոզչությունը՝  ժողովրդի ցեղասպանություն է» գրառումով: Բողոքի ակցիայի մասնակիցների թվում էին նաև քահանաները, ովքեր ձեռքերում եկեղեցական մոմեր ունեին և աղոթքներ էին կարդում: Նաև մարդիկ վանկարկում էին ազգայնականության կարգախոսներ:
Կինոթատրոնի մուտքի մոտ ոստիկանական կորդոն էր կազմակերպվել, որպեսզի ցուցարարները չմտնեն շենք: Դեպքի վայր են ժամանել հատուկ տեխնիկայով, այդ թվում՝ վահաններով, զինված հատուկ ջոկատայիններ: Ընդ որում ֆիլմի ցուցադրումը չէր չեղարկվել. հնարավորության սահմաններում ոստիկանությունը ներս էր թողնում դիտման տոմս ներկայացնող մարդկանց:


Մեկնաբանություններ


Համընկնող լուրեր