15:24 - Հրահանգված է մինչև դեկտեմբերի 23-ը կալանավորել Ռուբեն Հայրապետյանին         15:04 - Արտագաղթն աճում է.930 000 ԱՄՆ դոլար՝ Ամուլսարի հարակից համայնքներին      14:45 - Ադրջեջանն արժանի պատասխան ստացավ/Ադրբեջանը Եվրանեսթում բարձրացրել է Արցախում դատապարտված դիվերսանտների հարցը    

02 դեկ 2019 14:19

Ստամբուլում Թուրքիայի ԶՈւ պատվո պահակախմբի ուղեկցությամբ հողին է հանձնվել Կորեական պատերազմի հայ վետերանը

Ստամբուլի Զեյթինբուրնու շրջանի Բալըքլը թաղամասում գտնվող հայկական գերեզմանատանը հողին է հանձնվել Կորեական պատերազմի (1950-1953 թթ.) վետերան Արութ Քյոսեն: Թաղումը հայաշատ Գումգափու թաղամասի հայկական Սբ Մարիամ Աստվածածին եկեղեցուց ուղեկցվել է Թուրքիայի ԶՈւ-ի պատվո պահակախմբի կողմից: Թաղմանը մասնակցել են մի շարք բարձրաստիճան պաշտոնյաներ, զինվորականներ: Քյոսեի դուստրը՝ Ժաքլին Քյոսեն հայաշատ Բաքըրքյոյում հայտնի դեմքերից է համարվում: Yerkir.am-ը այս մասին տեղեկանում է թուրքական աղբյուրներից:

Հիշեցնենք, որ Թուրքիան Երկրորդ համաշխարհային պատերազմից հետո ամեն տեսակի քայլեր ձեռնարկեց՝ իր հավատարմությունը ցույց տալու արևմտյան բլոկին՝ ՆԱՏՕ-ին անդամակցելու նպատակով: Այդ քայլերից մեկն էլ հեռավոր Կորեա զորքեր ուղարկելն էր, որտեղ բռնկված պատերազմի ժամանակ Թուրքիայից մասնակցեցին 25.000 զինվոր, որոնցից 2500-ը սպանվեց: ԱՄՆ-ի հետ Կորեայի ժողովրդադեմոկրատական հանրապետության դեմ մղվող պատերազմին մասնակցությունը դժգոհություններ էր առաջացրել Թուրքիայի ներսում, իսկ արևմտյան տերություններն այս քայլը բարձր գնահատեցին, որից հետո Թուրքիան անդամակցեց Հյուսիսատլանտյան դաշինքին:

Մեկնաբանություններ

Համընկնող լուրեր