15:04 - Արտագաղթն աճում է.930 000 ԱՄՆ դոլար՝ Ամուլսարի հարակից համայնքներին         14:45 - Ադրջեջանն արժանի պատասխան ստացավ/Ադրբեջանը Եվրանեսթում բարձրացրել է Արցախում դատապարտված դիվերսանտների հարցը      14:25 - Բաղդադի օդանավակայանը ռմբակոծվել է, որտեղ տեղակայված է ամերիկյան ռազմակայանը    

04 դեկ 2019 12:47

Բոլոր նրանց, ովքեր տուժել են Քոչարյանների գործունեության հետևանքով.Քոչարյանները պահանջում են հերքում և 2.000.000 դրամ

«Մոդուս Վիվենդի» հետազոտական կենտրոնի ղեկավար, քաղաքագետ Արա Պապյանը ֆեյսբուքյան իր էջում գրել է. «Ի տեղեկություն. Քոչարյանն ընդդեմ Արա Պապյանի. հաշվի առնելով, որ բազմաթիվ լրագրողներ և անհատ քաղաքացիներ պարբերաբար հետաքրքրվում են Քոչարյան ընտանիքի` Արա Պապյանի դեմ ներկայացրած հայցի ճակատագրով, տեղեկացնում ենք հետևյալը. դատավարության հերթական նիստը տեղի կունենա ս./թ. դեկտեմբերի 5-ին` ժամը 15.00-ին, Երևան քաղաքի ընդհանուր իրավասության դատարանի Աջափնյակի դատարանում: Դատավոր` Գոռ Թորոսյան:
Սեդրակ Քոչարյանը, մասնավորապես, զրպարտություն է համարում հարցազրույցներից մեկում Պապյանի արտահայտած այն միտքը, որ բջջային հեռախոսի ներկրման ոլորտի բազմաթիվ գործարարներ ճնշման են ենթարկվել Քոչարյանի իշխանության տարիներին, քանի որ Սեդրակ Քոչարյանն է տնօրինել բջջային հեռախոսների ներկրման ոլորտը:
Քոչարյանները պահանջում են հրապարակային հերքում և 2 000 000 դրամ:
Դիմում ենք բոլոր այն անձանց, ովքեր ժամանակին առնչվել են բջջային հեռախոսների ներկրմանն ու վաճառքին և տուժել են Քոչարյանների գործունեության հետևանքով, կապվել Արա Պապյանի հետ (ara.papian@gmail.com):
Արդարությունը պիտի հաղթանակի: Արդարության հաղթանակը կարող է ուշանալ, բայց նրա հաղթանակն անխուսափելի է: Հիմա արդարության վերականգնման ժամանակն է»:

Մեկնաբանություններ

Համընկնող լուրեր