17:10 - Կուտոյանը միայնակ այցելել է նշված բնակարան, ալկոհոլ օգտագործելուց հետո, իրեն պատկանող Glock 34 տեսակի ատրճանակից 35 անկանոն կրակոց է արձակել պատին         16:35 - Տեսանյութ. Ես վստահ չեմ, որ մեր ապրիլյան քննիչ հանձնաժողովի նախնական հաստատված ցուցակում կար Կուտոյանի անունը. Գորգիսյան      16:05 - Կուտոյանը նախկինում կրակել է տան պատին, կինը հավաքել պարկուճները    

07 դեկ 2019 13:54

Երկրաշարժը բնական երևույթ է, կանխարգելել չեն կարող.ՀՀ-ում վերջին երեք տարիներին սեյսմիկ ցնցումների քանակն աճել է

Հայաստանի և հարակից տարածքներում  այս տարվա ընթացքում մինչև դեկտեմբերի 7-ը գրանցվել է 1422 երկրաշարժ: 2018-ին գրանցվել է  1394 երկրաշարժ, 2017-ին՝ 1131:  Լրագրողների հետ հանդիպմանը ՀՀ ԱԻՆ սեյսմիկ պաշտպանության տարածքային ծառայության տնօրենի գլխավոր խորհրդական, երկրաբանական գիտությունների թեկնածու Հրաչյա Պետրոսյանն ասաց, որ ներկայացված թվերից  պարզ է դառնում, որ վեջին երեք տարիներին սեյսմիկ ցնցումների քանակը մեծացել  է:

Ներկայացված տվյալներով, Հայաստանում այս տարի գրանցվել է 363 երկրաշարժ, 2018-ին՝ 332, 2017-ին՝ 219, Արցախի տարածքում՝  համապատասխանաբար՝  78, 42, 19: Հրաչյա Պետրոսյանն ասաց, որ Հայաստանի բնակչության կողմից զգացվել է համապատասխանաբար՝ 21, 10, 20 երկրաշարժ, այսինքն այս առումով աճ չի գրանացվել:

«Մենք գրանցել ենք թույլ ցնցումներ, բայց միջին ուժի, առավել ևս  ուժեղ  ցնցումների մասով մենք աճ չունենք»,- ասաց մասնագետը:
Նրա խոսքով, 1988 թվականի Սպիտակի երկրաշարժից հետո Հայաստանում գրանցված ամենաուժեղ երկրաշարժը եղել է 1992 թվականի դեկտեմբերի 24-ին, Մարտունի քաղաքի մոտ՝ 7 բալ ուժգությամբ:
ՀՀ ԱԻՆ սեյսմիկ պաշտպանության տարածքային ծառայության տնօրենի գլխավոր խորհրդականի խոսքով, այսօրվա դրությամբ իրենց տվյալները որևէ հիմք չեն տալիս ենթադրելու, որ մոտ ապագայում սպասում է ուժեղ երկրաշարժ:

Նա նշեց, որ երկրաշարժը բնական, երկրաբանական երևույթ է, կանխարգելել չեն կարող:


Մեկնաբանություններ

Համընկնող լուրեր