25-ամյա երիտասարդն առևանգել է 24-ամյա աղջկան, ձեռքերով և ոտքերով բազմաթիվ հարվածներ է հասցրել          Հայասատանն ունի՞ տարածքային պահանջներ.ՀՀ պետական զինանշանի վրա Արարատ սարն է, որի նկատմամբ հայերը հավակնություններ ունեն       Ադրբեջանցիների՝ Արցախի որոշ գյուղեր մտնելու, բնակիչների՝ սեփական ուժերով նրանց հակազդելու լուրերը սուտ են. ԱՀ ԱԱԾ    

27 դեկ 2019 18:55

Սիրում եմ մայրիկիս պատրաստած թփով տոլման և զոքանչիս պատրաստած չամիչով փլավը

Սիրում եմ մայրիկիս պատրաստած թփով տոլման և զոքանչիս պատրաստած չամիչով փլավը
Hayacq.com-ի ամանորյա բլից-հարցազրույցը ԱԺ պատգամավոր Կարեն Համբարձումյանի հետ:
 
-Եթե 2019թ-ն ամփոփելու լինենք, ինչպիսի՞ն էր այն Կարեն Համբարձումյանի համար:
 
-Տարին լի էր մարտահրավերներով, քաղաքական ու սոցիալական հաղթահարումներով և ամենակարևորը, այն խաղաղ էր ու կարծում եմ ստացված:
 
-Գլխավոր ձեռքբերումները որո՞նք են եղել:
 
-Եթե ասեմ քաղաքական առումով, ապա մենք ոչ միայն կարողացանք լավ հիմք ստեղծել հեղափոխության համար, այլև հենց առաջին լիարժեք հեղափոխական տարում, ունեցանք բավականին մեծ հաջողություններ բոլոր ոլորտներում: 
Արձանագրեցինք 7-ից ավելի տոկոս տնտեսական աճ: Բայց ամենանշանակալին ինձ համար Հայկական բանակում կատարվող փոփոխություններն ու առաջընթացն են:
 
-Բացթողումների մասին ի՞նչ կասեք:
 
-Բացթողում կարելի է համարել յուրաքանչյուր չարված գործ, բայց հարցը նրանում է, թե, արդյոք այդ չարված գործերն ավելի առաջնային են քան նրանք, որ գտնվում են ուշադրության կենտրոնում: 
 
-Իսկ որո՞նք են 2020թ-ի սպասելիքները, ակնկալիքները:
 
-2020-ին նախատեսվում է տնտեսական հեղափոխության շարունակություն, բանակի հզորացում, մարդկային մտքին ու գաղափարներին մեծ տեղ ընձեռելու քաղաքականության հետևողականություն և այսպես շարունակ:
 
-Ամանորի խորհուրդը Ձեզ համար:
 
-Ամանորի խորհուրդը ես տեսնում եմ օրինակ՝ սիրող զույգերի հաշտության, ընդհանուր համերաշխության և նոր ու թարմ էջից ինչ որ բան սկսելու պատրաստակամությամբ:
 
-Որտե՞ղ և ինչպե՞ս եք սիրում դիմավորել Ամանորը:
 
-Ամանորը դիմավորում եմ ընտանիքիս և բարեկամներիս հետ Սիսիանում, հայրենի հողում և օջախում: Տարին ընտանիքիս հետ դիմավորելն ինձ համար գլխավորն է և ամենաերջանկացնողը:
 
-Ձեր նախընտրած ամանորյա ուտեստը:
 
-Մայրիկիս պատրաստած թփով տոլման և զոքանչիս պատրաստած չամիչով փլավը:
 
-Սիրո՞ւմ եք պատրաստել խոհանոցում և ի՞նչն է շատ լավ ստացվում:
 
-Ցանկություն ունենալու դեպքում գրեթե ամեն ինչ էլ կպատրաստեմ, բայց կարծում եմ ամենից լավ ստացվում է խաշը, որի շուրջ հրավիրում եմ ընկերներիս ու բարեկամներիս:
 
-Ի՞նչ սովորություններ ունեք տոնի հետ կապված, որոնք արդեն ավանդույթ են դարձել:
 
-Նոր տարին դիմավորել նոր սպասումներով ու նպատակներով: Սա իմ ամենասիրելի տոնն է:
 
-Կարո՞ղ եք հիշել որևէ արտառոց երևույթ Ամանորի հետ կապված:
 
-Այս պահին մտքովս որևէ բան չի անցնում՝ անկեղծ ասած:
 
-Ամանորյա երազանքներ պահո՞ւմ եք, հավատո՞ւմ եք հրաշքների:
 
-Իհարկե հավատում եմ, առանց այդ հավատքի ոչինչ չի ստացվի:
 
-Եթե հնարավորություն լիներ ետ տալ ժամանակը, ի՞նչ կփոխեիք Ձեր կյանքում:
 
-Չկա այնպիսի բան, որի համար փոշմանած լինեմ:
 
-Ձեր ամանորյա մաղթանքը:
 
-Սեր և համերաշխություն բոլոր ընտանիքներում, խաղաղություն սահմանին ու առաջընթաց պետությանը:
Hayacq.com 

Մեկնաբանություններ

Համընկնող լուրեր