Հայաստանում առկա է հասարակության պառակտում և ատելության բարձր մակարդակ. Տեսանյութ
Հայացք մամուլի ակումբում քաղտեխնոլոգներ Վիգեն Հակոբյանը և Արմեն Բադալյանը ամփոփեցին 2019թ-ը, խոսեցին, թե 2020 թ-ին ի՞նչ հնարավոր քաղաքական զարգացումներ կարող են լինել:
Արմեն Բադալյանի կարծիքով՝ վարչապետ Նիկոլ Փաշինյանը փորձում է իր անձնիշխան համակարգի մեջ չգտնվող ինստիտուտները մտցնել այնտեղ. «Վարչապետին հաջողվել է Օրենսդիր մարմինն ամբողջովին վերցնել իր հսկողության տակ, Գործադիր, դատական ողջ համակարգը, բացառությամբ Սահմանադրական դատարանի»,- նշեց նա։
Անդրադառնալով
Արցախին Արմեն Բադալյանը նկատեց, որ Հայաստանի իշխանություններն անելու են ամեն ինչ, որպեսզի Արցախում 2020 թվականի նախագահական ընտրությունների ժամանակ հաղթի իրենց ցանկալի թեկնածուն. «Դա կարող է լինել ցանկալի թեկնածուի հետ նկարվելով, աջակցությունը կարող է լինել թե՛ տեսանելի, թե՛ անտեսանելի, ինչ-որ ճնշումներով անցկացնել ցանկալի թեկնածուին»։
Վիգեն Հակոբյանն էլ մի քանի ընդդիմադիր բևեռ է դիտարկում այս տարվա քաղաքական խմորումների ընթացքում։ Ըստ նրա՝ Ազգային անվտանգության ծառայության տնօրեն Արթուր Վանեցյանն իր հրաժարականով և «Հայրենիք» հիմնադրամի ստեղծումով քաղաքական հայտ է ներկայացրել և կարող է լինել ընդդիմադիր բևեռ։ Մեկ ուրիշ բևեռ վերլուծաբանը դիտարկեց նաև հասարակական այն սեգմենտին, որոնք մասնակցել են 2018 թվականին ապրիլ-մայիսյան իրադարձություններին՝ «Քաղաքացու որոշում» կուսակցություն, «Սասնա Ծռեր» կուսակցություն, պատգամավոր Արման Բաբաջանյանը և իր աջակիցները։
«Ռոբերտ Քոչարյանի մասով ավելի շատ խնդիր է դրվում առայժմ ինքնապաշտպանության, ոչ թե այդքան ինստիտուցիոնալ քաղաքական»,- նշեց Վիգեն Հակոբյանը։
Վիգեն
Հակոբյանը նաև նշեց, որ կա հասարակության պառակտում և երկրում
առկա է ատելության բարձր մակարդակ։
Ամբողջական ասուլիսը՝ Hayacq.com-ի տեսանյութում