Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

13 հուն 2020 16:41

Տեսանյութ. «Ուզում եմ շնորհավորել Վլադիմիր Կարապետյանին, որ այդ մղձավանջից պրծավ»

Ինձ թվում է դա ծիրանի կոնյակի ազդեցությունն էր, որովհետեւ ե՛ւ ՀԺ-ում անանուն նյութը, ե՛ւ դրան հետեւած գրառումները մի բան են ցույց տալիս՝ դիսկուրսը պլինտուսից ցածր է իջել: Այս մասին, այսօր՝ հունվարի 13-ին, լրագրողների հետ հանդիպման ժամանակ ասաց քաղաքագետ Տիգրան Քոչարյանը՝ անդրադառնալով երեկ ԱԱԾ նախկին տնօրեն Արթուր Վանեցյանի եւ վարչապետի դստեր՝ Մարիամ Փաշինյանի փոխադարձ գրառումներին:
«Ուզում եմ շնորհավորել Վլադիմիր Կարապետյանին, որ ինքը պաշտոնազուրկ եղավ, որովհետեւ աշխատել այդ ընտանիքի հետ, ինձ թվում է՝ գիշերային մղձավանջներից մեկն է, որովհետեւ ընտանիքի անդամներից յուրաքանչյուրն իրեն թույլ է տալիս ինչ-որ արտահայտություններ, գրառումներ, որը պետք է նաեւ մեկնաբանվի, հղկվի, ֆեյքերով դզվի. այդ մղձավանջից այդ մարդը պրծավ»,- ասաց նա:



Նրա խոսքով՝ Հայաստանում 2018-ի ապրիլից սկսած՝ կեղծ օրակարգ է: «Մենք այդ կեղծ օրակարգով էլ շարժվում ենք՝ կեղծ հարցեր, կեղծ հաշիվներ ֆեյսբուքում, կեղծ պատերազմներ: Այնպիսի տպավորություն է, որ իրականությունից կտրված, շեղված ինչ-որ բանի մեջ ենք ապրում, այդպես էլ շարժվում ենք: Ինչ-որ կերպ դա պետք է դադարեցվի»,- ասաց Քոչարյանը՝ հավելելով, որ երբեմն հնարավոր չի լինում հասկանալ, թե գրառումներից որոնք են իրական մարդկանց կողմից գրված, քանի որ վխտում են ֆեյքային բանակները:
Նրա խոսքով, դաշտ է նետվում ամեն ինչ, որ կարողանան խառնել իրականությունը եւ պղտոր ջրում ձուկ որսալ. «Իրականում շատ ավելի լուրջ խնդիրներ կան, բայց ամբողջ օրը զբաղված լինել վարչապետի աղջկա գրառումներով՝ սխալ է: Ոնց որ «Սիմփսոնների ընտանիքը» սերիալը նայենք, ճիշտն ասած ամերիկյան սերիալների որակը, լեզվամակարդակը շատ ավելի բարձր է, քան այն, ինչ-որ մեզ հրամցնում են»,- ասաց նա:

Մեկնաբանություններ


Համընկնող լուրեր