Ադրբեջանի ՊՆ-ն վախենում է ճշմարտությունն ասելուց.իրենց գեներալի ոչնչացման վայրը այդպես էլ չեն նշում          Դանակը դրել է ոստիկանի վզին, մյուսը՝ փորձել քարով հարվածել. 2 եղբայրները ձերբակալվել են       Լապշինը զգուշացրել է՝ Թել Ավիվում հայկական եկեղեցու մոտ պետք է հայերը զգույշ լինեն,հնարավոր է հարձակումներ լինեն    

16 հուն 2020 13:14

Ստալինից հետո ամենաերկար կառավարող առաջնորդը ծրագրում է երկրի ղեկավար լինել նաև 2024 թվականից հետո

Բրիտանական հեղինակավոր The Guardian պարբերականը հոդված է հրապարակել Վլադիմիր Պուտինի կողմից կառավարության լուծարման ու նրա ապագա ծրագրերի մասին, որոնք փորձելու է իրականացնել 2024 թվականից հետո։
«Վլադիմիր Պուտինն առաջարկեց փոփոխություններ կատարել ՌԴ Սահմանադրության հոդվածներում, որպեսզի սահմանափակի իր հավանական իրավահաջորդի լիազորությունները, երբ նա լքի նախագահի պաշտոնը 2024 թվականին, և զբաղեցնի վարչապետի պաշտոն՝ ավելի լայն լիազորություններով»,- գրում է պարբերականը:
67-ամյա Պուտինը փաստացի ղեկավարում է Ռուսաստանը 2000 թվականից, ինչը նրան դարձնում է Ստալինից հետո ամենաերկար կառավարող առաջնորդը, և բաց է մնում այն հարցը, թե ի՞նչ է նախատեսում նա անել 2024 թվականից հետո:
Ըստ պարբերականի՝ Պուտինը կարող է կրկին վարչապետ դառնալ կամ օգտվել այն երկրների քաղաքական մոդելներից, ինչպիսիք են Ղազախստանը, որտեղ անցյալ տարի հրաժարական ներկայացրեց երկրի նախկին նախագահ Նուրսուլթան Նազարբաևը, բայց շարունակում է մնալ Անվտանգության խորհրդի և այլ հիմնական կառույցների ղեկավար:

Մեկնաբանություններ

Համընկնող լուրեր