17:00 - Պարգեւավճարների վերաբերյալ փաստաթղթեր չեն թաքցվել. քաղաքապետի մամուլի խոսնակը՝ Խաժակյանի գրառմանը         16:35 - Տեսանյութ.Ինչպես են ոստիկանները գիշերը շուրջ 30 պոռնիկների բերման ենթարկում      16:15 - Առաջիկա տասնամյակում եւս մեկ կորոնավիրուս կհայտնվի․Մարդկանց իրական թիվը կարող է 10 անգամ ավել լինել, քան պաշտոնական թվերն են    

25 հուն 2020 14:35

Լևոն Զուրաբյանին դատական մեծ քաշքշուկ է սպասվում.նա պիտի հիշի, որ մարտի 1-ին թափված արյունից հետո Սերժի հետ իրենք էին բանակցում

Եթե Լևոն Զուրաբյանը չհերքի իր հայտարարությունը, ապա անպայման դատարանում մեզ հետ գործ կունենա։ «Ազատություն» ռադիոկայանին տված իր հարցազրույցում այս մասին հայտարարել է ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Հայ ազգային կոնգրեսի փոխնախագահ Լևոն Զուրաբյանի հայտարարությանը։
Նշենք, որ ՀԱԿ փոխնախագահ Լևոն Զուրաբյանը «Լուսավոր Հայաստան» խմբակցության ստեղծումը կապել է ՀՀ երրորդ նախագահ Սերժ Սարգսյանի փեսա, Վատիկանում ՀՀ նախկին դեսպան Միքայել Մինասյանի հետ։
Էդմոն Մարուքյանը նկատեց՝ վերոնշյալ հայտարարությունը չհերքելու դեպքում, Լևոն Զուրաբյանին սպասվում է դատական մեծ քաշքշուկ, որը պատգամավորի խոսքով լինելու է անապագա դատավարություն. «Նա կպարտվի այդ դատավարությունը, և դա բոլորի համար դաս կլինի»,-նշեց Էդմոն Մարուքյանը։
Վերջինս նկատեց՝ Լևոն Զուրաբյանը պետք է հիշի, որ Մարտի 1-ից հետո նրանք էին, որ բանակցություններ էին վարում ՀՀ երրորդ նախագահ Սերժ Սարգսյանի հետ.
«Ընդհանրապես Լևոն Զուրաբյանը պետք է հիշի, որ մարտի 1-ին թափված արյունից հետո էդ իրանք էին, որ գնացին և Սերժ Սարգսյանի ձևավորած բանակցությունների խմբի հետ սկսեցին բանակցել, մինչև Տիգրան Առաքելյանի կալանավորումը, որից հետո իբրև թե այդ պատրվակով դադարեցրեցին»,-հավելեց Էդմոն Մարուքյանը։
Նա հորդորեց Լևոն Զուրաբյանին հիշել ինչով է զբաղվել և ինչ է արել, որից հետո միայն մարդկանց սրա, նրա հետ կապի։

Մեկնաբանություններ

Համընկնող լուրեր