Մարուքյանը դիմել է Ռևազյանին՝ Սոչիից չվերթների դադարեցման հարցը պարզելու նպատակով
«Մեզ շարունակաբար փոխանցվող տեղեկատվության համաձայն՝ ընթացիկ տարվա մարտի 28-ից ռուսական որոշ քաղաքներից, օրինակ՝ Սոչիից, ուղիղ չվերթները Հայաստան և հակառակ ուղղությամբ դադարեցվելու են։ Նշվածը բնականաբար հարուցում է քաղաքացիների դժգոհությունը»։
Այս մասին իր ֆեյսբուքյան էջում գրել է ԼՀԿ ղեկավար Էդմոն Մարուքյանը։
Նա տեղեկացրել է, որ այդ հարցով դիմել է Քաղավիացիայի կոմիտեի ղեկավար Տաթևիկ Ռևազյանին և նրանից պատասխան է ստացել։
Պատասխանում ասվում է, որ կոմիտեն մինչև այս պահը որևէ նման տեղեկություն չի ստացել, որ թռիչքները դադարեցվելու են։