Դադարեցնել անվայել և պախարակելի գործելաոճը․ Մայր Աթոռը՝ իշխանությունների կողմից Բագրատ Սրբազանի դեմ արշավի վերաբերյալ          Տեսանյութ.Շիրակցիները փակել են Բավրայի անցակետ տանող ճանապարհը.խնդիրը տավուշցիներինը չի, սա հայկական խնդիր է       Կա թե ներքին ճնշում՝ հասարակության վրա, թե ճնշում՝ թշնամու կողմից. Տավուշը միայն Տավուշ չէ, սա վերաբերում է ՀՀ-ին՝ թե՛ մայրաքաղաքին, թե՛ մնացած հատվածներին    

11 փետ 2020 15:35

Հանրաքվեն կբացի Ավգյան Ախոռների ետնախորշը

Քաղաքական գիտությունների դոկտոր, պրոֆեսոր Լևոն Շիրինյանը ֆեյսբուքյան իր էջում գրել է. «Հայրենակի՛ց: Ինչպես տեսնում ես սերժա-ռոբերտական գողապետության ակտիվը, նրան սերտաճած երրորդ հանրապետության զառամյալ քաղաքական գործիչների բարակ շերտը վերջնականորեն խճճվելով ժողովրդական հեղափոխության հակամարտության լաբիրինթոսում տանուլ է տալիս Հանրաքվեի հարցում:
Չէր խճճվի, եթե ճանաչեր ինքնիշխան ժողովրդի հեղափոխության բնական/աստվածային իրավունքը, եթե հասկանար խորհրդարանական հանրապետության առանձնահատկությունը: Այն է` անվիճելի է, որ տվյալ հանրապետությունում առաջնային մանդատով օժտված է բացառապես խորհրդարանը. հետևապես նա է երկրի քաղաքական ԳԵՐԱԿԱ ինստիտուտը (Ջոն Լոկ):
     Եթե հասկանար, որ իշխանության երեք ճյուղերի տարանջատման սկզբունքը կարող է գործել Լոկի վերապահման համատեքստում միայն, այլապես գործը կհասնի պետականության փլուզման (Գեորգ Հեգել):
     Հետևապես, տվյալ պարագայում, եթե չի ընդունվում հեղափոխության (02 :05:2018) հաղթական ակտը և քաղաքականության պրիմատը/առաջնությունը իրավունքի հանդեպ, ապա առաջանում է իրավաբանական ֆետիշ, որի նպատակն է դառնում Գողապետության պաշտպանությունը, Ռևանշիզմի անսանձ մոլեգնությունը և Հինգերորդ Շարասյան տիրակալությունը:
     Պարզ է, որ այս հեռանկարը մեզ համար այլևս անցած էտապ է: Հանրաքվեն կբացի Ավգյան Ախոռների ետնախորշը:
     Ուստի. եղիցի՛ Չորրորդ հանրապետությունը, որ Հայաստանի ուրվագծվող ներկան է և Արարչագործված ապագան»:


Մեկնաբանություններ


Համընկնող լուրեր