17:06 - Այս օրերին կորոնավիրուսի դեմ պայքարող ավելի քան 1800 համայնքային բուժաշխատող կպարգեւատրվի. քաղաքապետարան         16:45 - Տեսանյութ.Ռուսաստանից Հայաստան ժամանած 178 քաղաքացիներն ԱԻՆ ավտոբուսներով տեղափոխվել են մեկուսացման վայրեր      16:24 - Ո՛չ վիրաբուժական, ո՛չ բամբակե դիմակները չեն կարող զսպել SARS-CoV-2 նոր կորոնավիրուսի տարածումը, եթե...    

19 փետ 2020 18:02

Տեսանյութ. Սահմանադրության ոչ թե մեկ դրույթի, այլ ամբողջական փոփոխություն է պետք

Տեսանյութ. Սահմանադրության ոչ թե մեկ դրույթի, այլ ամբողջական փոփոխություն է պետք
Հայացք մամուլի ակումբում «Քաղաքացու որոշում» կուսակցության գործադիր մարմնի քարտուղար Սուրեն Սահակյանը և մամուլի խոսնակ Միքայել Նահապետյանը խոսեցին Սահմանադրական փոփոխությունների հանրաքվեի, ինչպես նաև ներքին և արտաքին քաղաքականություն շուրջ:
 
Միքայել Նահապետյանը նշեց, որ «Քաղաքացու որոշում» կուսակցությունը հանրաքվեին «Ոչ» չի քվեարկելու՝ այդ պատասխանը թույլ չի տա ստեղծել լավ ու անկախ Սահմանադրական դատարան, իսկ «Այո» կքվեարկե՞ն, թե՞ կբոյկոտեն, կախված է 45-օրյա քարոզարշավից. «Մեզ համար ակնհայտ է, որ գործող ՍԴ-ն իր կազմով չունի բավարար վստահություն սահմանադրական արդարադատություն իրականացնելու համար: Բայց արդյոք այս սահմանադրական փոփոխությունները հանգեցնելո՞ւ են նրան, որ մենք ունենանք լավ, անկախ ՍԴ: Այս հարցի պատասխանից է կախված մեր քվեարկությունը»,-ասաց Միքայել Նահապետյանը:
 
Սուրեն Սահակյանն էլ նշեց, որ եթե իրենք երաշխիքներ չստանան, որ ստեղծվելու է անկախ ՍԴ, ապա հնարավոր է, որ բոյկոտեն հանրաքվեն. «Գործող իշխանությունը դիմում է մանիպուլյացիաների՝ ասելով, որ մենք գնում ենք սահմանադրական փոփոխությունների, մինչդեռ այդտեղ փոխվում է ընդամենը մեկ հոդված:  Այս միջանկյալ  շրջանում, երբ չի փոփոխվում ընդհանուր Սահմանադրությունը, այդ ՍԴ-ն ի՞նչ իրավական ակտի վրա է հենվելու»,-նկատեց Սուրեն Սահակյանը:
Ամբողջական ասուլիսը Hayacq.com-ի տեսանյութում

Մեկնաբանություններ

Համընկնող լուրեր