Ծնվել եմ ԱՄՆ-ում, բայց ես հայ եմ և միշտ ներկայացնելու եմ հայ ազգը. Էդմեն Շահբազյան
22-ամյա հայազգի մարտիկ Էդմեն Շահբազյանը, ով ներկայացնում է ԱՄՆ-ը, պատմել է, թե ինչպես է նախապատրաստվում ամերիկացի Դերեկ Բրանսի հետ մենամարտին: Էդմենն ասել է, որ այդ մենամարտն իր կարիերայի ընթացքում ամենակարևորներից է լինելու, քանի որ հաղթանակն իրեն թույլ կտա պայքարել արդեն չեմպիոնական տիտղոսի համար: Էդմենը նաև պատմել է, թե ինչու է միշտ ութանկյուն դուրս գալիս հայկական դրոշով:«Ներկայացնել Հայաստանը շատ կարևոր է ինձ համար: Ես ծնվել եմ ԱՄՆ-ում, բայց ես հայ եմ և միշտ ներկայացնելու եմ հայ ազգը ու երջանիկ եմ դրա համար»,- ասել է Էդմենը:
Նա նաև նշել է, որ նահանգներում մարզվել է Հոլանդիան ներկայացնող հայտնի հայազգի մարտիկ Գեղարդ Մուսասիի հետ: Նա լեգենդ է համարել Մուսասիին և խոստովանել, որ նրա հետ շփումները մեծ փորձ են տվել իրեն: Հիշեցնենք, որ Էդմեն Շահբազյան – Դերեկ Բրանսոն մենամարտը կկայանա UFC 248-ի շրջանակներում, Լաս-Վեգասում, 2020 թվականի մարտի 7-ին:
