Տեսանյութ. 83-ամյա ուկրաինուհին «վերակենդանացել» է իր թաղման արարողությունը կազմակերպելուց հետո
Ութսուներեքամյա ուկրաինուհի Քսենյա Դիդուխը «վերակենդանացել» է իր հուղարկավորության արարողության նախապատրաստական աշխատանքներից անմիջապես հետո, հայտնում է ТСН հեռուստաալիքն իր յութուբյան էջում: Ուկրաինայի Վիննիցայի մարզում թոշակառու կինը 10 ժամ պառկած է մնացել առանց կյանքի նշանների: Բժիշկները չափել են նրա զարկերակային ճնշումը, սարքերը ոչինչ ցույց չեն տվել: Բժիշկները նաև սրտագրություն են արել, որն ուղիղ գիծ է ցույց տվել: Բժիշկները Դիդուխի հարազատներին խորհուրդ են տվել «ծածկել հայելիները և մոմ վառել»:
Հարազատները պատրաստվել են թաղման արարողությանը, անգամ տարածք են վերցրել գերեզմանատանը և փոս փորել տվել: Սակայն կինն անսպասելիորեն սկսել է կյանքի նշաններ ցույց տալ:
