19:43 - Կորոնավիրուսային հիվանդությունից 89 ամյա պացիենտը մահացել է «Նորք» ինֆեկցիոն հիվանդանոցում         17:33 - Կարելի է ասել, որ մենք հաղթեցինք պատերազմը.Վրաստանում ծանր հիվանդներն ապաքինվում են      17:02 - Վրաստանում կորոնավիրուսի բուժման համար կիրառել են առողջացած մարդու արյան պլազման. Պաատա Իմնաձե. imedinews.ge    

24 փետ 2020 11:18

Համոզված եմ, որ հանրությունը կմերժի ատելության, անհանդուրժողականության և պառակտիչ գործողությունների հրահրման բոլոր փորձերը. Տեսանյութ

«Ազատ Հայրենիք» կուսակցության ղեկավար, Արցախի Հանրապետության նախագահի թեկնածու Արայիկ Հարությունյանը Մայրաքաղաքում և Մարտակերտի շրջանի Վանք գյուղում կայացած հանդիպումների ընթացքում կրկին կարևորել է միասնականության պահպանումը. «Ոչ մի քաղաքական գործընթաց որևէ կերպ չպետք է խաթարի համերաշխության մթնոլորտը: Ուստի մեր կոչն է քաղաքական ուժերին և նախագահի թեկնածուներին առաջիկա համապետական ընտրություններում միմյանց նկատմամբ պահպանել փոխադարձ հարգանքն ու հանդուրժողական վերաբերմունքը:
Մեր ժողովուրդի իմաստությունն ու խոհեմությունը փորձության ենթակա չեն, և, համոզված եմ, որ հենց հանրությունն է մերժելու ատելության, անհանդուրժողականության և պառակտիչ գործողությունների հրահրման բոլոր հնարավոր փորձերը: Պատահական չէ, որ քարոզարշավի առաջին օրը՝ փետրվարի 26-ին, մայրաքաղաքում և հանրապետության քաղաքային մյուս համայնքներում դաշնակից քաղաքական ուժերի և աջակիցների հետ պատրաստվում ենք այցելել եկեղեցի և, հանուն համերաշխության ու հանդուրժողականության, մեկական մոմ վառել:
Մենք կիսելու հայրենիք չունենք: Արցախը բոլորիս շեն օջախն է, և, ձեռք-ձեռքի տված, մեկ ընտանիքի պես պետք է շարունակենք կառուցել մեր երազանքների երկիրը»,-իր խոսքում նշեց Արայիկ Հարությունյանը:

Մեկնաբանություններ

Համընկնող լուրեր