Կորոնավիրուսի համաճարակը կարող է վերածվել պանդեմիայի (աշխարհավարակ)․ ԱՀԿ
Առողջապահության համաշխարհային կազմակերպությունը նախազգուշացրել է, որ նոր տեսակի կորոնավիրուսի համաճարակը կարող է վերածվել պանդեմիայի (աշխարհավարակ), քանի որ այն արագորեն տարածվում է աշխարհի տարբեր երկրներում: Այս մասին հայտնել է BBC-ն:Իտալիայում կորոնավիրուսի զոհերի թիվը հասել է 7-ի, վարակվածներինը թիվն էլ գերազանցել է 220-ը:
Իրանում համաճարակի կենտրոն հանդիսացող Ղոմ քաղաքում, ըստ իշխանությունների, կորոնավիրուսից մահացել է 12 մարդ: Իրանի իշխանություններին արդեն մեղադրում են համաճարակի ծավալները թաքցնելու մեջ:
Հարավային Կորեայում էլ վարակվածների թիվը շուրջ 900 է:
Իսկ Չինաստանի իշխանությունները հայտարարել են, որ երկրում վերջին 1 օրում կորոնավիրուսից մահացել է 71 մարդ։ Զոհերի ընդհանուր թիվը հասել է 2663-ի, ապաքինվածներինը՝ ավելի քան 27 հազարի: Վարակվածների ընդհանուր թիվն էլ գերազանցել է 77 հազարը: Նրանցից 47 հազարը դեռ բուժում է անցնում, իսկ 9 հազարի վիճակը համարվում է ծանր:
