Կլինեն աղմկոտ դեպքեր, ներկա պաշտոնյաների նոր ձերբակալություններ
Եղել են ձերբակալություններ, էլի կլինեն, իհարկե։ Այս մասին այսօր՝ փետրվարի 28–ին, ԱԺ–ում լրագրողների հետ ճեպազրույցում ասաց ԱԱԾ տնօրենի պաշտոնակատար Էդուարդ Մարտիրոսյանը՝ անդրադառնալով հարցին, թե արդյոք առաջիկայում կլինեն նախկինական ներկա պաշտոնյաների նոր ձերբակալություններ:«Դա ընթացիկ գործընթաց է, որը միշտ էլ լինում է»,-ասաց նա:
Հարցին, թե ինչ եղան հեղափոխության սկզբից ի վեր նախկին պաշտոնյաների ձերբակալությունների գործերը, ԱԱԾ տնօրենի պաշտանակատարն արձագանքեց. «Գրեթե բոլորի նկատմամբ հարուցված են քրեական գործեր, որոնք քննվում են, թե մեր քննչական դեպարտամենտում, թե ՀՔԾ–ում, թե քննչական կոմիտեում։ Այդ շրջանակը քննությամբ ընդլայնվում է եւ կլինեն աղմկոտ դեպքեր: Ձեր համար գուցե աղմկոտ լինի, մեզ համար ոչ այդքան, բայց կլինեն»։
