21:47 - «Նորք ինֆեկցիոն»-ում 78-ամյա կին է մահացել, նա ՀՀ քաղաքացի չէ         20:50 - ԵՄ-ն Հայաստանին 51 մլն եվրո աջակցություն կցուցաբերի կորոնավիրուսային համավարակի դեմ պայքարելու նպատակով      20:10 - Վիտալի Բալասանյանը երկրորդ փուլում չի պաշտպանի թեկնածուներից որևէ մեկին    

02 մար 2020 12:40

Զինվորը զորամասում ենթարկվել է սեռական բռնության. Վերջինս փորձել է վրեժխնդիր լինել ու նռնակը նետել բռնարարի ուղղությամբ

Զինվորների միջեւ ոչ կանոնադրային հարաբերությունների հերթական զազրելի դեպքն է արձանագրվել N զորամասում. Ժամկետային զինծառայողը սեռական բռնության է ենթարկել համածառայակցին:
«Փաստինֆո»-ի տեղեկություններով` զինվորը լիցքավորել է իրեն ամրակցված ինքնաձիգը ու դրա գործադրման սպառնալիքի տակ սեքսուալ բնույթի բռնի գործողություններ կատարել, ինչից հետո համածառայակիցը փորձել վրեժխնդիր լինել: Մասնավորապես` նռնակը բերել է մարտական դիրքի ու նետել բռնարարի ուղղությամբ: Նռնակի պայթյունի հետեւանքով բռնարարն ստացել է տարբեր աստիճանի վնասվածքներ. բժիշկներին հաջողվել է փրկել նրա կյանքը:
«Փաստինֆո»-ի հաղորդմամբ` սեռական բռնություն գործադրած զինվորին մեղադրանք է առաջադրվել ՀՀ քրեական օրենսգրքի 139-րդ հոդվածի 2-րդ մասին 7-րդ կետով ու նրա նկատմամբ որպես խափանման միջոց է ընտրվել կալանավորումը: Մյուս զինվորին մեղադրանք է առաջադրվել սպանության փորձի համար, իսկ որպես խափանման միջոց ընտրվել է հրամանատարի հսկողությանը հանձնելը:
Զինվորական քննչական գլխավոր վարչությունում ավարտվել է նախաքննությունն ու գործը դատարան ուղարկվել:

Մեկնաբանություններ

Համընկնող լուրեր