Կոչ ճապոնացիներին՝ խուճապի չմատնվել և զուգարանի թղթի դեֆիցիտ չստեղծել
Ճապոնիայի վարչապետ Սինձո Աբեն մարտի 3-ին մամուլի ասուլիսի ժամանակ ստիպված է եղել մեկնաբանել խանութներից զուգարանի թղթի և անձեռոցիկների անհետացումը:«Կեղծ լուրերը շարունակում են տարածվել: Ես կոչ եմ անում ձեզ կեղծ լուրերին չհավատալ և խուճապահար ապրանքներ չգնել: Երկրում կա բավարար պաշար»,- ասել է նա:
Նա նաև հայտնել է, որ կառավարությունը տնտեսական աջակցություն է ցուցաբերում ձեռնարկատերերին՝ բժշկական դիմակների և հիգիենայի այլ պարագաների արտադրության ավելացման գործում:
Ճապոնիայում զուգարանի թղթի աճող պահանջարկը շարունակվում է արդեն մի քանի շաբաթ: Խանութներում այն անմիջապես վաճառվում է:
Կառավարության տվյալներով՝ Ճապոնիայում, որտեղ բնակվում է 127 միլիոն մարդ, տարեկան արտադրվում է ավելի քան 1 միլիոն տոննա զուգարանի թուղթ:
