Վրաստանում այսօրվանից արգելված է երթուղային տաքսիների տեղաշարժը
Այսօրվանից՝ մարտի 18-ից, Վրաստանի վարչապետի հրամանով երկրում արգելվում է երթուղային տաքսիներով տեղաշարժը: Երթուղային տաքսիների երթևկության արգելքի մասին կառավարության որոշումը վերաբերվում է ինչպես Թբիլիսիին, այնպես էլ շրջանների և քաղաքների միջև երթևեկող երթուղային տաքսիներին: Այս մասին ասվում Վրաստանի կառավարության հայտարարությունում, ինչի մասին հայտնում է aliq.ge լրատվականը:Ըստ հայտարարության, վարչապետ Գիորգի Գախարիան նահանգապետներին կոչ է արել առավելագույնը արդյունավետ իրականացնել նշված որոշումը այնպես, ինչպես միջգերատեսչական խորհրդի կողմից ընդունված բոլոր որոշումները:
Գախարիայի պարզաբանմամբ, կգործեն միայն ավտոբուսները և մետրոն, որոնք պարտադիր կարգով պետք է ախտահանվեն օրական կտրվածքով: Ինչ վերաբերում է երթուղային տաքսիներին, այստեղ մարդիկ իրար ավելի մոտ են նստում, ինչը կարող է նպաստել վիրուսի տարածմանը:
