Որքա՞ն ժամանակ է վարակը մնում դիակի վրա․ Արման Բաբաջանյանը՝ փոխնախարարին
Իհարկե, բժիշկները անհրաժեշտ պաշտպանության կարիք ունեն եւ մենք ամեն ինչ պետք է անենք նրանց պաշտպանելու համար, բայց այստեղ հարցեր են կուտակվում կապված Առողջապահության միջազգային կազմակերպության ցուցումների հետ: Այս մասին, այսօր՝ մարտի 30-ին, համաճարակի հետևանքով անձնական տվյալների պաշտպնության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին միջամտելու մասին կառավարության ներկայացրած նախագծի քննարկման ժամանակ նշեց անկախ պատգամավոր Արման Բաբաջանյանը:«Հիմա այս կարգավորումները, որ բերել եք, որքանով է հրահանգավորված ԱՀԿ-ի կողմից եւ ինչ փորձ ունենք մերնք տարածաշրջանի երկրներում այս կարգավորումների մասով: Առհասարակ, առաջադեմ երկրների փորձը որն է: Ես կարդացի, որ օրինակ ԱՀԿ-ն Հնդկաստանում հատուկ հրահանգավորել է, որ դիակին հարազատները չմոտենան, չհամբուրեն: Դա իրականացվում է իրավապահների հսկողությամբ ու ներգրավմամբ: Մենք այս առումով ինչ ցուցումներ ունենք, արդյոք դա մեզ էլ է վերաբերվում»,-հարց ուղղեց Բաբաջանյանը:
«Մենք առհասարակ ունե՞նք պատկերացում, թե այդ բացիլը դիակի վրա ինքան է շարունակում մնալ: Պարոն Զեյնալյանը շատ կարեւոր դիտարկում արեց, որ մարդը կարող է թոքաբորբից մահանալ, դիահերձվի եւ պարզվի, որ նա կորոնավիրուսի վարակակիր է եղել: Հիմա մենք մահացածին ուղարկում ենք տուն, եւ հարազատները հոգեհանգստի արարողությանն են մասնակցում, դիպչում են հանգուցյալին, վարակի նոր օջախ է առաջ գալիս»,-ընդգեց պատգամավորը:
