Արսեն Թորոսյան, մի դիմեք մանիպուլյացիների՝ ստեղծելով տպավորություն, թե մինչ այսօր վերահսկում էիք
Փիլիսոփայական գիտությունների թեկնածու, դոցենտ Մովսես Դեմիրճյանը ֆեյսբուքյան իր էջում գրել է.«ՀՀ առողջապահության նախարար Արսեն Թորոսյանին թող չթվա, թե վիրուսը նոր է դուրս եկել նրա վերահսկողությունից: Մինչ այսօր էլ նա ոչ թե վերահսկում էր վիրուսի տարածումը, այլ ընդամենը արձանագրում:
Այնպես որ մի դիմեք մանիպուլյացիների՝ ստեղծելով տպավորություն, թե մինչ այսօր վերահսկում էիք:
Եկեղեցիներում զանգվածային միջոցառումները չկանխելո՞վ էիք վերահսկում, թե՞ փողոցում ձևական թուղթ ստուգելով:
Նախարարի կողմից սա ապապրոֆեսիոնալ մոտեցման և պետական մտածողության բացակայության դրսևորում է»։
Հիշեցնենք, որ ԱԺ-ում առողջապահության նախարար ԱՐսեն Թորոսյանը հայտարարել էր.
Եթե նախկինում գրանցվում էր 50 դեպք, բայց մեկ աղբյուրից, ապա հիմա լինում է 16-20 դեպք՝ տարբեր աղբյուրներից։ Հետևաբար, վիրուսի շրջանառությունը՝ որպես էդպիսին դուրս է եկել վերահսկողությունից, և հիմա մեր խնդիրն է ամեն հնարավոր աղբյուրը գտնել, շփման մեջ եղած մարդկանց մեկուսացնել, թեստավորել, վիրուսը հայտնաբերել և բուժել»։
Թորոսյանը տեղեկացրել է, որ այդ գործողությունը արվելու է, քանի դեռ պետությունն ուժ ունի, և երբ ազգովի ուժասպառ լինենք, այդ ժամանակ որոշ գործողություններ արանքից դուրս կգան, միայն թեստավորումն ու բուժումը կիրականացվի, մեկուսացումն էլ իմաստ չի ունենա, քանի որ տարածումը արդեն շատ մեծ կլինի։
