ԱՄՆ-ում առաջարկել են «պատժել» Չինաստանին կորոնավիրուսի համար․ Lenta.ru
ԱՄՆ-ում առաջարկել են «խստորեն պատժել» Չինաստանին կորոնավիրուսի համար։ Այս մասին հայտարարել է սենատոր Լինդսի Գրեհեմը, նրա ելույթի տեքստը հրապարակել է Washington Examiner-ը։«Մենք՝ ԱՄՆ Սենատը, չենք մեղադրում Թրամփին, մենք մեղադրում ենք Չինաստանին։ Չինաստանը պատասխանատու է ամերիկացիների 16 հազար մահերի համար և 17 միլիոն գործազուրկ դարձած քաղաքացիների համար»,- ասել է քաղաքական գործիչը։ Նրա կարծիքով, վիրուսի այսչափ զանգվածային տարածումը Չինաստանի կառավարության թողտվությամբ է եղել։
Գրեհեմը ընդգծել է, որ ԱՄՆ-ն պետք է «ստիպի Չինաստանին փոխել իր վարքը»։ Մասնավորապես, նա կոչ է արել Վաշինգտոնին ստիպել Պեկինին դուրս գրել պարտքի մի մասը։ Նրա խոսքերով, երկիրը պետք է փոխի իր վարքը։
Վերջին տվյալների համաձայն ԱՄՆ-ում կորոնավիրուսով հիվանդացության 474,8 հազար դեպք է գրանցվել, 17,7 հազար մարդ մահացել է, իսկ 27,3 հազարը բուժվել են։
