Անկում տարադրամի շուկայում. ինչ փոխարժեքներ են սահմանվել մարտի 29-ի համար          Նոր դիվանագիտական սկանդալ է հասունանում արտգործնախարարությունում . «Ժողովուրդ»       Տեսանյութ.Խավարման կարգ` ի հիշատակ Քրիստոսի մատնության և չարչարանքների    

16 ապր 2020 13:12

Տեսանյութ.Շատերը տեղեկացված չեն, որ իրենք շահառու են. Ես չգիտեմ՝ ՀԾՀ-ն ինչ ա, օգնությունը պիտի մարդկանց հասնի րոպե առաջ

Ես երեկ ժամանակ հատկացրի եւ կարդացի իմ ֆեյսբուքյան էջիին քաղաքացիների նամակները, եւ ես կարող եմ ասել, որ այս պահի դրությամբ ունենք մի քանի խնդիր: Այս մասին, այսօր՝ ապրիլի 16-ին, կառավարության նիստում նշեց ՀՀ վարչապետ Նիկոլ Փաշինյանը:

«Նախ, շատ մարդիկ տեղեկացված չեն, որ իրենք հանդիսանում են այս կամ այն միջոցառման շահառու: Սա պետք է ազդակ լինի, որ մենք բավարար չափով չենք լուսաբանում, թե որ միջոցառումը կոնկրետ որ խմբին է վերաբերում եւ ինչ պետք է քանի քաղաքացին այդ աջակցությունից օգտվելու համար»,-ասաց Փաշինյանը եւ կառավարության տեղեկատվական ՊՈԱԿ-ին հանձնարարեց շատ ակտիվորեն լուսաբանել բոլոր ծրագրերը:


«Լուսաբանումն այն է, որ յուրաքանչյուր քաղաքացի, բոլոր շահառուները դրանից տեղյակ են, եւ հստակ ասվում է, թե քաղաքացին որտեղ է, որ պետք է անի գործողություն ծրագրից օգտվելու համար եւ որտեղ է, որ չպետք է անի որեւէ գործողություն»,-ասաց Վարչապետը:


Աշխատանքի եւ սոցիալական հարցերի նախարար Զարուհի Բաթոյանը նկատեց. «Մարդիկ երբեմն չգիտեն, թե ինչպես պետք է լրացնեն դիմումները, որպեսզի հայտ ներկայացնեն կառավարության ընդունած միջոցառումներին, թեև ուղեցույց է մշակվել ու հրապարակվեն:


SMS-ի միջոցով գալիս է կոդը եւ իրենք պետք է լրացնեն: Այստեղ նաեւ տաբեր բազաների հետ համեմատելու խնդիր կա: Հիմա աշխատանք է տարվում նաև մերժված դիմումները վերլուծելու ուղղությամբ: Ինչպես արդեն նշեցի, դրանք ոչ ճիշտ լրացնելու հետեւանք են: Մենք բոլոր տեղեկատվական հարթակներն օգտագործում ենք, հեռախոսակապով աջակցում ենք մարդկանց, իսկ այսօր նաև լրացուցիչ խումբ ենք ձևավորելու, որը կօգնի մարդկանց հասկանալ, թե ինչպես պետք է լրացնել: Կան օրինակ քաղաքացիներ, որոնք չգիտեն, թե ինչ է ՀԾՀ-ն, սոցիալական քարտը»:


Նիկոլ Փաշինյանի խոսքով, դա նշանակում է, որ լրատվական համակարգը լավ չի աշխատում. «Կներեք, բայց ես էլ չգիտեմ, թե ՀԾՀ-ն ինչ է: Մի հատ ասեք՝ ՀԾՀ-ն ինչ է: Եթե մենք միջոցառում ենք անում, որտեղ ՀԾՀ-ի իմանալը կարևոր է, պետք է մարդկանց ասել, թե դա ինչ է»:


Բաթոյանը հայտնեց, որ դա արվում է, ուղեցույցում նշված է. «Եթե շահառուն չգիտի, թե դա ինչ է, նշանակում է, որ չենք արել այնպես, որ իմանա: Մենք այսօր քաղաքացուն ասում ենք՝ ձեզ այս-այս պարագաներում օգնում ենք, բայց մենք այսօր խնդիր ունենք այդ օգնությունը արդյունավետ տեղ հասցնելու գործում»,-արձագանքեց վարչապետը՝ հավելելով, որ արդեն 5-6 անգամ քննարկել են այս հարցը ու հիմա ստիպված են քննարկել նաեւ կառավարության նիստում՝ հրապարակային:



Մեկնաբանություններ


Համընկնող լուրեր