Կորոնավիրուսով պայմանավորված, 2020 թ-ին կտրուկ կարող է մեծանալ մանկական մահացությունը
ՄԱԿ-ի գլխավոր քարտուղար Անտոնիու Գուտերեշը հայտարարել է, որ որ կորոնավիրուսով պայմանավորված ամբողջ աշխարհում մեծանում են երեխաների մահացության աճի ռիսկերը: Այս մասին գրում է Life.ru-ն:«Գլոբալ անկման պայմաններում 2020 թվականին կտրուկ կարող է մեծանալ մանկական մահացությունը»,- ասել է նա:
Գոտերեշը նշել է, որ շատ երկրներում առողջապահական համակարգերի գերծանրաբեռնվածության արդյունքում երեխաներից շատերը չեն ստանում պատվաստումներ, ինչը ևս կունենա իր հետևանքները:
Պաշտոնյան ընդգծել է, որ այս օրերին գրեթե բոլոր երկրներում երեխաները դպրոցներ չեն հաճախում, օգտվում են հեռավար դասընթացներից, սակայն նման ուսուցանումը հասանելի չէ այն պետություններին, որտեղ ինտերնետային կապը դանդաղ է և թանկ: ՄԱԿ-ի քարտուղարը կոչ է արել մեծ ուշադրություն դարձնել երեխաների կրթության խնդրին և անվտանգության հարցին:
