Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

13 մայիս 2020 12:33

Եթե հարցին իրավական լուծում չտրվի, քաղաքացին է դուրս գալու՝ հարցը լուծելու. ԿԲ դիմաց բողոքի ակցիան շարունակվում է

Իրենք խաբում են, ստում են, մտցնում են ներս, դու հարց ես տալիս, քո հուզող հարցերը ներկայացնում ես, ասում են՝ ես իրավասու չեմ, ասում ես՝ կանչեք իրավասու անձին, ով կարող է պատասխանել հարցերին և որևէ մեկը չի գալիս։ Այս մասին լրագրողների հետ զրույցում ասել է Ապրիլյան պատերազմի մասնակից, իրականացվող վարկային քաղաքականության դեմ բողոքի ակցիայի կազմակերպիչ Մանուել Մանուկյանը։


Նրա խոսքով՝ հանդիպում տեղի չի ունեցել և հանդիպումը պետք է լինի հանրային՝ լրատվականների ներկայությամբ, որ հետո մանիպուլյացիոն գործողություններ չլինեն։


«Քանի որ նրանք չեն ցանկացել լրագրողների ներկայությամբ խոսեն, թող հետևությունն անեն քաղաքացիները՝ ինչու ազնիվ մարդը, ազնիվ աշխատողը, ազնիվ Կենտրոնական բանկը չպետք է ցանկանա լրագրողների ներկայությամբ խոսել»,- ասաց նա։


Անդրադառնալով ԿԲ հայտարարությանը, որի համաձայն՝ բողոքի ակցիան չարտոնված է, Մանուկյանն ասաց, որ ԿԲ-ն մանիպուլյացնում է և ակցիայի հետ կապված որևէ խնդիր չկա, բացի այդ՝ դա ակցիա չէ, խնդիր է ներկայացվում։


«Քանի որ ԿԲ-ից չի բարեհաճում աշխատողը մոտենալ և սպասարկել քաղաքացիներին, որը պարտավոր է սպասարկել, ինձ՝ որպես քաղաքացու սպասարկում, ուստի՝ կուտակումներ են առաջանում»,- նշեց Մանուկյանը՝ հավելելով, որ կուտակումները ստեղծվում է ԿԲ անգործության արդյունքում։


Մանուկյանը նշեց, որ ակնկալում է իշխանության կողմից աջակցություն՝ հասարակ քաղաքացուն և հարցի լուծում՝ կլինի իշխանության ուժերի օգնությամբ, թե հասարակ քաղաքացու օգնությամբ՝ էական չէ և նպատակը մեկն է՝ լուծվի հասարակ քաղաքացու հարցը։


 Մանուկյանը նշեց, որ, եթե հարցին որևէ իրավական լուծում չտրվի, քաղաքացին է դուրս գալու՝ հարցը լուծելու։


Նշենք, որ արդեն երկրորդ օրն է, ինչ մի խումբ քաղաքացիներ բողոքի ակցիա են իրականացնում Կենտրոնական բանկի դիմաց՝ բողոքելով իրականացվող վարկային քաղաքականության դեմ։ Երեկ ակցիան բավականին լարված է անցել, ոստիկաններն ուժի գործադրմամբ բերման է ենթարկելու երկու քաղաքացու՝ այդ թվում՝ ակցիայի կազմակերպիչ Մանուել Մանուկյանին։

Մեկնաբանություններ


Համընկնող լուրեր