Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

27 մայիս 2020 12:15

Հայաստանում կորոնովիրուսից մեկ օրում մահացել է այնքան մարդ, որքան համավարակի ողջ ընթացքում Վրաստանում

Բլոգեր Կարեն Վրթանեսյանը գրում է.


«Երեկվա դրությամբ գրանցվել է 372 նոր վարակակիր, բուժվել են 35 մարդ։ Այսինքն ակտիվ քեյսերն ավելացել է 325-ով։


Մի քանի օր առաջ հպարտությամբ հայտնեցին, որ հիվանդանոցներից մեկում 102 նոր տեղ են բացել, ինչպես տեսնում եք՝ մեկ օրում գրանցված նոր վարակակիրների թիվը ավելի քան 3 անգամ մեծ է։


Իսկ ընդհանրապես, ինչպես առավոտյան գրել էի, 1 մլն շնչին գրանցված վարակակիրների թվով դարձել ենք տարածաշրջանի «ռեկորդակիր»՝ անցնելով Ռուսաստանին, Թուրքիային, Իրանին, Ադրբեջանին և Վրաստանին։


1. Հայաստան. 2,498
2. Ռուսաստան. 2,483
3. Թուրքիա. 1,884
4. Իրան. 1,663
5. Ադրբեջան. 435
6. Վրաստան. 183


Վրաստանին այս ցուցանիշով գերազանցում ենք 13,5 անգամ։


Ինչքան էլ այս թվերը կոպիտ լինեն, ինչքան էլ վիճակագրությունը էս կողմ-էն կողմ նկարած, Վրաստանի համեմատ արդեն կարգի տարբերություն է...


Հ.Գ. Մոռացա ամենակարևորը՝ Հայաստանում մեկ օրում 12 վարակված է մահացել։ Վրաստանում ԱՄԲՈՂՋ համաճարակի ընթացքում է այդքան մարդ մահացել»,-գրել է նա։


Հիշեցնենք, որ նախորդ մեկ օրում, ըստ պաշտոնական վիճակագրության, կորոնավիրուսով հիվանդ 12 մարդ է մահացել։ 

Մեկնաբանություններ


Համընկնող լուրեր