Երկիր, որտեղ կորոնավիրուսից մահացության մակարդակն ամենաբարձրն է.վարակվածների 70 տոկոսը մահացել է
ՄԱԿ-ի գլխավոր քարտուղար Անտոնիու Գուտերիշը նշել է երկիրը, որտեղ կորոնավիրուսից մահացության մակարդակն ամենաբարձրն է: Նա հայտնել է, որ ամենաբարձր մակարդակը Եմենում է, հաղորդում է RG-ը: Ադեն քաղաքում վարակվածների 70 տոկոսը մահացել է:
Գլխավոր քարտուղարը միջազգային հանրությանը կոչ է արել աջակցել երկրին: «Հուսով եմ, որ միջազգային հանրությունը ֆինանսապես կաջակցի երկրին»,-ասել է Գուտերիշը:
Ավելի վաղ մարդասիրական հարցերով ՄԱԿ-ի ներկայացուցիչ Յենս Լերկեն նշել է, որ հանրապետությունում իրավիճակը կրիտիկական է: «Չկա վիրուսից ավելի տուժած երկիր, քան Եմենն է»,-ասել է նա:
