Ուհանի թաց շուկան կորոնավիրուսի համավարակի աղբյուր չի եղել.ի վերջո, ինչից է վիրուսը ծագել
Ուհանի թաց շուկան կորոնավիրուսի համավարակի աղբյուր չի եղել, ինչպես կարծում էին ավելի վաղ, գրում է The Sun-ը:Գիտնականները հանգել են այն եզրակացության, որ կորոնավիրուսը ծագել է վարակի կրողի՝ Ուհան այցի արդյունքում, որից էլ, ինչպես նախկինում հայտարարվել էր, սկսվել էր համավարակի տարածումը:
Գենետիկ ապացույցները հաստատել են, որ վիրուսը ծագել է չղջիկների մոտ Չինաստանում եւ դրանցից փոխանցվել է մարդկանց, բայց թե որտեղ է դա տեղի ունեցել, հայտնի չէ:
Սկզբում Չինաստանի իշխանությունները հայտարարեցին, որ կորոնավիրուսի առաջին դեպքերը հայտնվել են տեղի ծովամթերքի շուկայում, ինչը հանգեցրել էր ենթադրության, որ հենց այնտեղ է վիրուսը փոխանցվել մարդկանց:
Սակայն թաց շուկայում վաճառվող կենդանիների նոր ուսումնասիրությունը հերքել է այդ պնդումը:
Չինաստանում հիվանդությունների վերահսկման եւ կանխարգելման կենտրոնի գիտնականները շուկայից մթերքների նմուշներ են վերցրել եւ դրանցից ոչ մեկում COVID-19-ը չեն գտել:
Այդպես, չինական գերատեսչությունն այն եզրակացության է հանգել, որ Ուհանում ծովամթերքի շուկան, ամենայն հավանականությամբ, կորոնավիրուսի զոհ է դարձել:
