Պեկինի ամենամեծ մեծածախ շուկաներից մեկում կորոնավիրուսի նոր օջախ է հայտնաբերվել
![](https://www.tert.am/news_images/1106/3316151_1/image_2.thumb.png)
«Կորոնավիրուսային նուկլեինաթթուների թեստեր արդեն ավել են շուկայի 1940 աշխատողների շրջանում, թեստը դրական է եղել 45-ի մոտ, բայց նրանք չեն ունեցել ախտանիշներ»,- ասել է նա:
Իսկ այն 4 վարակակիրները, որոնք նաև ախտանիշներ են ունեցել, այս կամ այն կերպ կապ են ունեցել այդ շուկայի հետ, մի մասը մշտական հաճախորդ է եղել, մի մասը՝ աշխատակից:
Պեկինի արևմուտքում գտնվող Հայիդյան շրջանի շուկայում ևս հայտնաբերվել է մեկ ասիմպտոմ վարակակիր, որը հաստատված վարակվածներից մեկի կոնտակտավորներից է եղել:
Նրանք բոլորը մեկուսացվել են՝ հետագա բժշկական հսկողության համար: Նրանցից բացի, մեկուսավել է ևս 139 մարդ, ովքեր սերտ շփում են ունեցել վարակակիրների հետ:
Բացի այդ, լայնածավալ ստուգում է իրականացվել քաղաքի մեծ սուպերմարկետներում և գյուղատնտեսական շուկաներում, ընդհանուր առմամբ կատարվել է 5424 նմուշառում մսից, ծովամթերքից, տարբեր պարենային ապրանքներից և տարբեր իրերից, ներառյալ՝ աղբարկղեր, սեղաններ, դռների բռնակներ, լվացարաններ: Արդյունքում՝ Սինֆադի շուկայում շրջակա միջավայրից վերցված 40 նմուշ տվել է դրական արդյունք, մնացածը՝ բացասական:
Հարավային Ֆենթայ շրջանում ռազմական դրություն են հայտարարել: Այդ մասին ասված է շրջանի կուսակցական հանձնաժողովի առաջնորդ Չու Ցզյունվեյի հայտարարության մեջ։
«Ֆենթայ շրջանում ռազմական դրություն է հայտարարվել, ստեղծվել է օպերատիվ շտաբ: Անհրաժեշտ է ուժեղացնել վերհսկողությունը, կարգավորել վարակի կանխարգելման և հիվանդների բուժման ընթացքը: Շուկայի մոտակայքում գտնվող արդեն վերաբացված 3 տարրական դպրոցի և մանկապարտեզի աշխատանքը պետք է նորից կասեցնել, իսկ ուսումնական գործընթացին դեռևս չվերադարձած հիմնարկությունները պետք է հետաձգեն դասերի վերսկսումը»։