Տեսանյութ.Այսօրվա շատ իշխանավորներ դրսից ֆինանսավորմամբ հետևողականորեն վարկաբեկել են բանակը, զինվարականներին.Ստում եք. Թագուհի Թովմասյանը՝ Արսեն Թորոսյանին          Նշե՛ք ամսաթիվը, թե երբ է բացվելու Զանգեզուրի միջանցքը, և այդ դեպքում ոչ մի խնդիր չի լինի.Հայաստանն ու ողջ աշխարհը տեսան, որ ոչ ոք չի կարողացել կանգնեցնել մեզ       Փակ դռների հետեւում ավելի մեծ զիջումներ.Հայաստանից մնացած մասը «կպոկվի» ռազմավարական դաշնակից Ռուսաստանից ու «կնավարկի» դեպի «թուրքական նավահանգիստ»    

03 հուլ 2020 11:54

Առաջին փորձարկումները հուսադրող արդյունքներ են ունեցել, իսկ որոնք են եղել կողմնակի էֆեկտները

Կորոնավիրուսի դեմ փորձարարական պատվաստանյութը առողջ կամավորների շրջանում ավելի ուժեղ իմունային ռեակցիա է առաջացրել, քան COVID-19-ից ապաքինված մարդկանց շրջանում: Պատվաստանյութի հետազոտությունների առաջին արդյունքները չափազանց հուսադրող են թվում:


Մայիսի սկզբին Pfizer-ը եւ BioNTech-ը հայտնել էին մարդկանց վրա նոր փորձարարական պատվաստանյութի փորձարկումները սկսելու մասին, փոխանցում է Medportal-ը: Պատվաստանյութն օգտագործում է մՌՆԹ տեխնոլոգիան, որը պոտենցիալ կերպով կարող է «մարզել» առողջ իմունային համակարգը՝ նոր կորոնավիրուսի դեմ հակամարմիններ արտադրելու համար:


Գիտնականները վերջերս ներկայացրել էին մարդկանց վրա դեղամիջոցի  փորձարկումների առաջին արդյունքները եւ հայտարարել, որ ստացված տվյալները թույլ են տալիս անցնել ավելի մասշտաբային կլինիկական հետազոտությունների:


Փորձարկումների ընթացքում 18-ից մինչեւ 55 տարեկան 24 առողջ կամավորներ 21 օր ընդմիջումով ստացել են դեղամիջոցի 10 մկգ եւ 30 մկգ 2 ներարկումներ, եւս 12-ը ստացել է 100 մկգ մեկ դեղաչափ, 9 մասնակիցներ ստացել են պլացեբոյի երկու դեղաչափ:


Կորոնվիրուսը չեզոքացնող հակամարմինների ամենաբարձր տիտրերը կամավորների առաջին խմբի մոտ հայտնաբերվել են առաջին դեղաչափը ստանալուց հետո 7 օր անց եւ 28 օր անց երկրորդ ներարկումից հետո: Մասնագետների խոսքով՝ այս խմբում կամավորների մոտ հակամարմինների մակարդակը ավելի բարձր էր, քան կորոնավիրուսը հաղթահարածների մոտ:


Ինչ վերաբերում է կողմնակի էֆեկտներին, ապա գիտնականների խոսքով՝ դրանք աննշան էին՝ ջերմության բարձրացում, ներարկման տեղում թեթեւ կամ չափավոր ցավ, թեթեւ տենդ եւ դող, որոնք տեւել են 1-2 օր:


Սակայն դեռեւս վաղ է խոսել այս կամ մյուս պատվաստանյութերի շուկա դուրս գալու մասին. մասնագետները նշում են, որ դրա անվտանգությունն ու արդյունավետությունը հաստատելու համար անհրաժեշտ են պոպուլյացիայում պատվաստանյութի ավելի ընդարձակ հետազոտություններ:


Ստացված տվյալներն առայժմ օգտագործվելու են դեղաչափի որոշման եւ գլոբալ հետազոտության մասնակիցներին ընտրելու համար, որին ենթադրաբար կմասնակցեն ոչ պակաս 30 հազար կամավորներ: Փորձարկումները կսկսվեն հուլիսի վերջին: Եթե դրանք հաջող անցնեն, եւ պատվաստանյութը հավանություն ստանա, ապա 2020 թվականի վերջին նախատեսվում է Գերմանիայի եւ ԱՄՆ ձեռնարկություններում թողարկել դեղամիջոցի մինչեւ 100 միլիոն դեղաչափ:


Մեկնաբանություններ

Համընկնող լուրեր