Ջերմուկում ընտրապայքարի սև քարոզչությունը և իրականությունը          ՄԻԵԴ-ը ՀՀ կառավարությանը պարտավորեցրել է 24 հազար եվրո վճարել ծեծկռտուքի պատճառով մահացած 10-ամյա աշակերտի հարազատներին       Ջուրն էլ հունվարի 1-ից թանկացրեցին.ՀԾԿՀ–ն սահմանել է սակագները    

03 հուլ 2020 14:59

Կա կորոնավիրուսի նոր մուտացիա, որն արագացնում է վիրուսի վերարտադրությունը

Գոյություն ունի կորոնավիրուսի նոր մուտացիա, որն արագացնում է դրա վերարտադրությունը եւ մեծացնում է դրա կոնցենտրացիան մարմնում: Նման կարծիքը JAMA բժշկական ամսագրին տված հարցազրույցում, որը հասանելի է YouTube-ում, հայտնել է ամերիկացի վարակաբան, COVID-19-ի դեմ պայքարի աշխատանքային խմբի գլխավոր փորձագետ, բժիշկ Էնթոնի Ֆաուչին:


«Այս կապակցությամբ վեճեր կան, բայց ես կարծում եմ, որ ստացված տվյալները մեզ հուշում են այն մասին, որ որոշակի մուտացիա գոյություն ունի, որն արագացնում է վիրուսի վերարտադրությունը եւ մեծացնում է դրա կոնցենտրացիան մարմնում»,- ասել է վարակաբանը։


Ըստ Lenta- ի ՝ գիտնականները դեռ չեն հաստատել, որ մուտացիան ավելի վտանգավոր կդարձնի վիրուսը վարակվածների համար:


Ֆաուչիի խոսքով՝ COVID-19-ն արագորեն տարածվում է Միացյալ Նահանգներում՝ ցույց տալով, որ երկիրը «հավանաբար չի ընթանում ճիշտ ուղղությամբ»:


Վարակաբանը հավելել է, որ ամերիկյան դեղագործական Moderna ընկերությունը հուլիսի վերջին կսկսի կորոնավիրուսի դեմ պատվաստանյութի կլինիկական փորձարկումների երրորդ փուլը: Այս դեպքում հավանական է, որ մինչեւ 2021 թվականի սկիզբը գիտնականները վստահություն կունենան, որ պատվաստանյութն անվտանգ եւ արդյունավետ է, եզրափակել է նա:




Մեկնաբանություններ

Համընկնող լուրեր