Մոսկվայում կանխվել է ահաբեկչական գործողություն,որը պլանավորված էր մարդաշատ վայրերից մեկում
Ռուսաստանի Անվտանգության դաշնային ծառայությունը՝ ներքին գործերի նախարարության և Քննչական կոմիտեի հետ միասին, կանխել են ահաբեկչական կազմակերպության գործունեությունը, որը ծրագրում էր ահաբեկչություն իրականացնել Մոսկվայում: Այս մասին գրում է Ria-ն։«Ռուսաստանի Դաշնության անվտանգության դաշնային ծառայությունը, Ռուսաստանի ՆԳՆ-ի և Ռուսաստանի Դաշնության Քննչական կոմիտեի հետ միասին, ճնշել են ահաբեկչական կազմակերպության այն անդամի գործունեությունը, որը պլանավորում էր ահաբեկչական գործողություն կատարել Մոսկվայի մարդաշատ վայրերից մեկում», - ասվում է հաղորդագրության մեջ:
Ահաբեկիչը սպանվել է ձերբակալման փորձի ժամանակ. Նրան գտել են Խիմկիի լքված ավտոտնակների տարածքում, նա «կրակ է բացել իրավապահների վրա ՝ ավտոմատ հրազենից», և նրան պատասխանել են կրակով:
Դեպքի վայրի զննությամբ տղամարդու մոտ հայտնաբերել են AKS-74U մակնիշի ինքնաձիգ, երկու F-l նռնակ, 1 RGD նռնակ:
