Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

30 հուլ 2020 14:51

Թուրքիան կոնկրետ քայլեր չի անի, քանի որ նրա ակտիվացումը սպառնալիք է ոչ միայն Հայաստանի, այլև ամբողջ տարածաշրջանի համար

«Ադրբեջանական հզոր բանակի միֆն ամբողջությամբ ջախջախվել է հաշված ժամերի և օրերի ընթացքում»,- ասուլիսում հայտնեց «Իմ քայլը» խմբակցության պատգամավոր Տաթևիկ Հայրապետյանը:


Նա Ադրբեջանի նախագահին հորդորեց թայմաութ վերցնել, որպեսզի կարողանա պատասխանի անհաջողությունների վերաբերյալ իր երկրի ներսում հնչող հարցերին:


Պատգամավորի խոսքով, որքան էլ Ադրբեջանը զորավարժություններով փորձում է իր զինված ուժերի դեմքը փրկել, այն ավելի շուտ շոուի որոշակի էլեմենտներ է պարունակում, նույն նպատակին են ծառայեցվում նաև տարբեր երկրներում ադրբեջանական համայնքի սադրիչ գործողությունները:


Տաթևիկ Հայրապետյանը նշեց, որ մինչև Տավուշում անհաջող գործողությունների դիմելը, արձանագրվում էր ադրբեջանական քաղաքական, ռազմական ղեկավարության հռետորաբանության սրացում, կոշտ հայտարարություններով հանդես գալու դեպքեր: Բանակի անհաջողությունը կոծկելու, քողարկելու համար Ադրբեջանը, ըստ պատգամավորի, փորձեց հերթական անգամ հակահայկականության գործոնն ասպարեզ բերել, որի շրջանակներում հուլիսի 14-ի լույս 15-ի գիշերը տեղի ունեցան հակահայկական ցույցերը:


Պատգամավորը շեշտեց, որ ցույցերի հետևանքով ձերբակալվեցին ընդդիմադիրներ, որոնք չէին մասնակցել դրանց, ինչը նշանակում է, որ ադրբեջանական իշխանությունը բախումն օգտագործեց ներքաղաքական հաշվեհարդար իրականացնելու նպատակով:


Նրա խոսքով, Ադրբեջանը հասկացավ, որ Հայաստանի հետ սպառնալիքի լեզվով խոսելը խիստ պատժի է արժանանալու:


Տաթևիկ Հայրապետյանը նկատեց, որ ռազմական անհաջողությունների համար պատասխան տվեց Ադրբեջանի արտաքին գործերի նախարարը, բայց նրա գլխին սև ամպերը վաղուց էին կուտակվել:


Ըստ պատգամավորի, Ալիևը շատ մեծ սխալ թույլ տվեց՝ ամբողջ մեղքը բարդելով դիվանագիտական աշխատանքի վրա, մեծ վնաս տվեց իր արտաքին քաղաքական կորպուսին, որը Հայաստանի համար այնքան էլ վատ չէ:


Հայրապետյանը տեղեկացրեց, որ Ադրբեջանի հանրությունը քննարկում է պարտությունների պատճառները՝ հակառակ Ալիևի պնդմանը, թե իրենք հաղթել են:


Անդրադառնալով Թուրքիային՝ ԱԺ պատգամավորը նկատեց, որ վերջինս հստակ դրսևորվեց, որպես մեզ հակառակորդ երկիր՝ իր քայլերով, գործողություններով և հայտարարություններով, որոնց պետք է պատրաստված լինենք:


Տաթևիկ Հայրապետյանը, համոզմունք հայտնեց, որ Թուրքիան կոնկրետ քայլեր չի անի, քանի որ նրա ակտիվացումը սպառնալիք է ոչ միայն Հայաստանի, այլև ամբողջ տարածաշրջանի համար:


«Այն պարագայում, երբ Արդբեջանն ու Թուրքիան հայտարարում են, որ պատրաստվում են տարածաշրջանում հարցեր լուծել՝ հիմքում դնելով էթնիկության գործոնը՝ պանթուրքիզմը, ապա այդ պարագայում այն սպառնալիք է տարածաշրջանի մյուս երկրների համար»,- նկատեց պատգամավորը:


Բանախոսը դրական գնահատեց, որ Տավուշում իրավիճակի սրացման ժամանակ հայ հանրությունն անվերապահորեն հավատում էր հրապարակվող պաշտոնական տեղեկատվությանը, իսկ Ադրբեջանի ՊՆ մամուլի խոսնակի հակասական հայտարարություններն ադրբեջանցիներին ստիպեցին հետևել տեղեկատվության հայկական աղբյուրներին:

Մեկնաբանություններ


Համընկնող լուրեր