Թուրքիան Ադրբեջանի հետ համատեղ զորավարժությունների տեսանյութ է հրապաևակել
Թուրքիան Ադրբեջանի հետ համատեղ զորավարժությունների տեսանյութ է հրապարակել: Կադրերը YouTube-ի իր ալիքում տեղադրել է Anadolu գործակալությունը:Մեկուկես րոպե տևողությամբ հոլովակում երևում է, թե ինչպես են տրանսպորտային ինքնաթիռից բեռնաթափում ռազմական տեխնիկան: Պատկերված է նաև մոտոհրաձգային հետևակի շարասյան շրջադարձը մարտական դիրքի:
Հուլիսի 28-ին թուրք զինվորականները ժամանել են Ադրբեջան՝ համատեղ զորավարժությունների մասնակցելու նպատակով, այդ թվում՝ Հայաստանի հետ սահմանին: Մարտական կրակոցներով մարտավարական և մարտավարական թռիչքային լայնածավալ գործողությունները սկսվել են հուլիսի 29-ին և կտևեն մինչև օգոստոսի 10-ը՝ երկու երկրների միջև ռազմական համագործակցության համաձայնագրի համաձայն: Զորավարժություններին ներգրավված են զրահատեխնիկա, հրետանային կայանքներ, ռազմաօդային ուժերի ռազմական և տրանսպորտային ուղղաթիռներ, Ադրբեջանի և Թուրքիայի բանակների հակաօդային պաշտպանության ուժեր և զենիթահրթիռային ստորաբաժանումներ:
