Եվս 4 ամիս Վրաստանի կառավարությունը քաղաքացիների կոմունալ ծառայությունների համար կվճարի
Վրաստանի կառավարությունը կոմունալ ծառայությունների համար քաղաքացիների փոխարեն կվճարի նաև նոյեմբեր, դեկտեմբեր, հունվար, փետրվար ամիսներին։«Գրուզիա օնլայն»-ի փոխանցմամբ, այս մասին հայտարարել է Վրաստանի վարչապետը կառավարության նիստում։
«Որպեսզի փոխհատուցեն եկամուտները նվազած կամ աշխատանք կորցրած քաղաքացիներին, կառավարությունը որոշել է կոմունալ ծառայությունների վճարման աջակցության ծրագիրը շարունակել ևս չորս ամիս։ Աջակցությունը լինելու է նույն չափով, ինչ նախկինում, կվաճարի 200 կվտ/ժ էլեկտրաէներգիայի ու 200 խմ գազի համար։ Համեմատաբար ապահովված քաղաքացիները հնարավորություն կունենան հրաժարվել աջակցությունից»,-հայտարարել է Գեորգի Գախարիան։
