Տեսանյութ.Հյուրանոցի հայ սեփականատերը ձերբակալվել է.Ինչի՞ց են սկսվել զանգվածային անկարգություններն Ախալքալաքում
Ախալքալաքում տեղի ունեցած անկարգությունների, տների հրդեհման, մեքենաների վնասման պատճառ է դարձել օգոստոսի 8-ի երեկոյան Ախալքալաք քաղաքի կենտրոնում թեթև վիճաբանության ժամանակ հրազենային կրակոցից Կուլիկամ գյուղի բնակիչ 27-ամյա Վ. Միրանյանի մահը։Jnews.ge-ն զրուցել է ականատեսների հետ, որոնք պատմել են, որ օգոստոսի 8-ին տեղի ունեցած սպանությունից առաջ՝ առավոտյան և կեսօրին երկու անգամ վիճաբանություն է եղել՝ կուլիկամցիների և Ա. Գաբրիելյանի և ընկերների միջև:
Ըստ շրջանառվող խոսակցությունների՝ Կուլիկամ գյուղից մի երիտասարդի են քաղաքում ծեծել և վիրավորել, որից հետո Կուլիկամի երիտասարդները եկել են քաղաք պարզաբանելու: Սակայն ինչպես երևում է կողմերը չեն կարողացել մինչև վերջ հարցերը պարզել և արդեն երեկոյան մոտավոր ժամը 19:00-ից հետո քաղաքի հենց կենտրոնում՝ Մաշտոցի հրապարակի վրա, փողոցի մեջտեղում հրազենային կրակոցից սպանվել է Վ. Միրանյանը:
Ականատեսներից մեկի պատմելով, միջադեպից ընդամենը րոպեներ առաջ ինքը (Խմբ. ճանաչել է սպանվածին) զրուցել է սպանվածի հետ, հարցել է ի՞նչ է անում քաղաքում, ի՞նչ կա չկա, սպանվածն ասել է, որ քաղաք է եկել գյուղի ճանապարհի սաֆալտպատման հարցով և որ ամեն ինչ կարգին է: Սակայն այս կարճատև զրույցից ընդամենը մի քանի րոպե անց, փողոցի մեջտեղում նա սպանվել է:
Մեկ այլ ականատեսի խոսքերով, դեպքն այնքան արագ է եղել, որ նույնիսկ չեն հասկացել ինչ է կատարվում, «ԱրտՍեգ» հյուրանոցի սեփականատեր Արթուր Գաբրիելյանը կրակել է սպանվածի ուղիղ սրտին, չնայած նրան անմիջապես տեղափոխել են Ախալքալաքի շրջանային հիվանդանոց, սակայն նա մահացած է եղել: Կրակոցները շարունակվել են նաև հիվանդանոցի բակում, Ա. Գաբրիելյանը և ընկերները խոչընդոտել են, և կրակի տակ են պահել սպանվածին տեղափոխող մեքենան, հիվանդանոցի դարպասների մոտ երիտասարդին տեղափոխող մեքենան շրջվել է: Արդեն հիվանդանոցի բակում առավոտվանից սկսված իրադարձություններին փորձել է միջամտել ոստիկանությունը:
Կուլիկամցիները փորձել են վրեժխնդիր լինել՝ այրելով Արթուր Գաբրիելյանի սեփական տունը, հոր՝ Սամվել Գաբրիելյանի սեփական տունը, ինչպես նաև Գաբրիելյաններին պատկանող «ԱրտՍեգ» հյուրանոցը: Այրել են նաև կռվի մասնակիցների՝ Գենա Զարմարյանի և Կարեն Քոսյանի տները, որոնք Արթուր Գաբրիելյանի ընկերներն են: Հատկանշական է, որ բոլոր այրված տներում մարդ չի եղել և ոչ ոք չի տուժել:
Քաղաքում շրջանառվող լուրերի համաձայն՝ վիճաբանությունը պարզապես հարմար առիթ է եղել վրեժխնդիր լինելու: Բանն այն է, որ ըստ խոսակցությունների՝ մոտավոր 3-4 տարի առաջ կուլիկամցիները խնդիր են ունեցել «ԱրտՍեգ» հյուրանոցի տնօրինության հետ: Այդ ժամանակ միջադեպը հարթվել է, սակայն Արթուր Գաբրիելյանը սպառնացել է:
Սպանության կադրերը տեսած մարդկանցից մեկի պատմելով, դեպքի վայրում երկու խումբ երիտասարդներ են հավաքված եղել, մոտավոր 10-12 հոգի, վերևից մերսեդես մակնիշի մեքենան եկել ու կանգ է առաել անմիջապես հավաքվածների մեջտեղում, որից հետո անմիջապես սկսվել է իրարանցում, հնչել են կրակոցներ: Կրակելուց հետո Արթուր Գաբրիելյանին խմբով սկսել են ծեծել մինչև հասկացել են, որ վիրավոր մարդ կա, անմիջապես Վիլիս մակնիշի մեքենայում Վ. Մ-ին տեղափոխել են հիվանդանոց և կողմերը ցրվել են: Տեսանյութը տեսածի պատմելով երկու կողմն էլ զինված է եղել, եթե մի կողմերից մեկը զենք է ունեցել ձեքին, ապա մյուս կողմը՝ մահակ:
Աղբյուրը նկատում է, թե ինչի սպանության և սպանության նախորդած երկու վեճերին չի խառնվել ոստիկանությունը պարզ չէ: Քաղաքում պնդում են, որ եթե ժամանակին ոստիկանությունը միջամտեր, ապա անդառնալի կորուստ չէր լինի:
Սպանությունից անմիջապես հետո Ախալքալաքում մեծ թվով հատուկ ջոկատայիններ ու ոստիկանական ուժեր են կուտակվել: Ախալքալաքում էր նաև Սամցխե-Ջավախքի նահանգապետ Բեսիկ Ամիրանաշվիլին:
Վրաստանի Ներքին գործերի նախարարությունը հաղորդագրություն է տարածել, որ օպերատիվ հետախուզական աշխատանքների արդյունքում, դեպքից ժամեր անց ձերբակալվել է Արթուր Գաբրիելյանը՝ (ծնված՝ 1983 թ.-ին)՝ կանխամտածված սպանության և ապօրինի կերպով հրազեն ձեռքբերելու, պահելու և օգտագործելու մեղադրանքով:
Վրաստանի Ներքին գործերի նախարարությունը հաղորդագրություն է տարածել, որ օպերատիվ հետախուզական աշխատանքների արդյունքում, դեպքից ժամեր անց ձերբակալվել է Արթուր Գաբրիելյանը՝ (ծնված՝ 1983 թ.-ին)՝ կանխամտածված սպանության եւ ապօրինի կերպով հրազեն ձեռքբերելու, պահելու եւ օգտագործելու մեղադրանքով:
Ախալքալաքի հիվանդանոցի մենեջեր Ալեքսան Թորոյանի խոսքով՝ երեկ հիվանդանոց է տեղախոխվել երեք երիտասարդ տղամարդ, որոնցից մեկն արդեն մահացած էր, մյուս երկուսին ցուցաբերվել էր բուժօգնություն, որից հետո նրանք դուրս էին գրվել։
Օգոստոսի 9-ի դրությամբ՝ հիվանդանոցում չկար երեկված միջադեպի մասնակիցների ոչ մեկը։ «Սակայն քաղաքում շրջանառվող լուրերով՝ Արթուր Գաբրիելյանի հայրը՝ Սամվել Գաբրիելյանը, գլխի բաց վնասվածքով եւ ծանր վիճակում տեղափոխվել է Թբիլիսի»։
Ախալքալաքի հիվանդանոցի մենեջեր Ալեքսան Թորոյանի խոսքով՝ երեկ հիվանդանոց է տեղախոխվել երեք երիտասարդ տղամարդ, որոնցից մեկն արդեն մահացած էր, մյուս երկուսին ցուցաբերվել էր բուժօգնություն, որից հետո նրանք դուրս էին գրվել։
Օգոստոսի 9-ի դրությամբ՝ հիվանդանոցում չկար երեկված միջադեպի մասնակիցների ոչ մեկը։ «Սակայն քաղաքում շրջանառվող լուրերով՝ Արթուր Գաբրիելյանի հայրը՝ Սամվել Գաբրիելյանը, գլխի բաց վնասվածքով եւ ծանր վիճակում տեղափոխվել է Թբիլիսի»։
Անձնական խուզարկման ընթացքում իրավապահները առգրավել է այն զենքը, որով կատարվել է հանցագործությունը:
Իրավապահները փնտրում են այն երիտասարդներին, ովքեր օգոստոսի 8-ի երեկոյան ջարդուփշուր են արել և հրկիզել հյուրանոցն ու 4 սեփական տները։
.jpg)
