Համացանցում տեսանյութ է հայտնվել, որում երեւում է Մինսկի ակցիայի մասնակցի մահվան պահը
Համացանցում տեսանյութ է հայտնվել, որում երեւում է Մինսկում տեղի ունեցած ակցիայի մասնակից Ալեքսանդր Տարայկովսկու մահվան պահը: Նրա քույրը հաստատել է, որ տեսանյութում գետնին ընկնող տղամարդն իր եղբայրն է:Կադրերում երևում է Ալեքսանդրը, ով կանգնած է ճանապարհի վրա, հագին սպիտակ շապիկ: Ինչ-որ պահի նա ընկնում է գետնին:
Ավելի վաղ, Բելառուսի ՆԳՆ-ից հայտարարել էին, որ Տարայկովսկին փորձել է պայթուցիկ սարք նետել ոստիկանների ուղղությամբ, սակայն այն պայթել է նրա ձեռքում: Սակայն տղամարդու մահվան վկայականում նշված է, որ նա ստացել է կրծքավանդակի բաց վերք և մահացել է արյան կորստից:
