Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

18 օգոս 2020 13:55

ԿԳՄՍ նախարարը կոչ է անում աշակերտներին եւ ուսանողներին սեպտեմբերի 1-14-ը կամավոր մեկուսանալ

Ուսումնական գործընթացն ամբողջությամբ իրականացնելու համար ԿԳՄՍ նախարարը կոչ է անում աշակերտներին եւ ուսանողներին սեպտեմբերի 1-14-ը կամավոր մեկուսանալ։ Այս մասին ֆեյսբուքյան իր էջում գրել է Արայիկ Հարությունյանը։


«Կամավոր ինքնամեկուսացման կամ շփումների սահմանափակման կոչ՝ աշակերտներին եւ ուսանողներին




Սիրելի ծնողներ, աշակերտներ եւ ուսանողներ, արդեն տեղեկացրել ենք, որ բուհերում եւ հանրակրթական հաստատություններում ուսումնական գործընթացը մեկնարկում է սեպտեմբերի երկրորդ կեսից (բացառությամբ առաջին կուրսի ուսանողների):


Ամբողջ տարվա ընթացքում ուսումնական գործընթացն ամբողջությամբ իրականացնելու, նոր սահմանափակումներից խուսափելու համար խնդրում ենք հնարավորության դեպքում սեպտեմբերի 1-14-ը ապահովել աշակերտների, ուսանողների շփումների սահմանափակում՝ կամավոր մեկուսացում, որպեսզի առավելագույնս կտրենք համավարակի տարածման շղթաները եւ մեկնարկի առաջին օրվանից վիրուսը չբերենք դպրոց՝ օգնելով նաեւ առողջապահական համակարգին էլ ավելի նվազեցնել վարակվածների թիվը:


Շփումների զգալի սահմանափակումը մեծ հավանականությամբ կօգնի ուսումնական գործընթացը շարունակել առանց շեղումների՝ արդեն հաստատված դասացուցակներով եւ ծրագրերով:


Շնորհակալություն համագործակցության եւ ձեր քաղաքացիական կեցվածքի համար»,- գրել է նա։

Մեկնաբանություններ


Համընկնող լուրեր