Կիեւում հայի են ձերբակալել, որը հայտնել է ԱՄՆ եւ Թուրքիայի դեսապանատների «ականապատման» մասին
Կիևում իրավապահները ձերբակալել են Հայաստանի 46-ամյա քաղաքացու, որը կասկածվում է Ուկրաինայում ԱՄՆ և Թուրքիայի դեսպանատների «ականապատման» մեջ, հայտնում է Gordonua-ն՝ վկայակոչելով Կիևի դատախազության մամուլի ծառայությանը։Քննության տվյալներով՝ տղամարդն օգոստոսի 1-ին զանգահարել է ոստիկանություն և հայտարարել 2 դեսպանատների ականապատման մասին։ Ստուգելուց հետո իրավապահներն այնտեղ պայթյունավտանգ առարկաներ չեն գտել։
Տղամարդուն ձերբակալել են։ Նրան հայտնել են Քրեական օրենսգրքի 259 հոդվածի 2-րդ մասով նախատեսված հանացագործության կատարման մեջ կասկածվելու մասին (քաղաքացիների անվտանգության սպառնալիքի մասին ակնհայտ սուտ տեղեկությունը)։ Հոդվածով նախատեսված է մինչև 6 տարվա ազատազրկում։
