Տեսանյութ.Հնարավո՞ր է, որ թանկանա Երևանում տրանսպորտի սակագինը
Երևանի քաղաքապետի մամուլի քարտուղար Հակոբ Կարապետյանը Հանրային հեռուստաընկերության եթերում ներկայացրել է Երևանում առաջիկայում նախատեսվող նոր տրանսպորտային ցանցը, նոր պատվիրված տրանսպորտային միջոցների առավելությունները, օգտվելու կարգը:Հարցին, թե տրանսպորտային ցանցի բարելավման դեպքում հնարավո՞ր է, որ թանկանա տրանսպորտային սակագինը, Հակոբ Կարապետյանն ասել է. «Այս պատվիրված 100 մեքենաների դեպքում կարող ենք ամենայն վստահությամբ ասել, որ սակագնի որևէ վերանայում չի լինի: Իսկ ընդհանրապես սակագնի վերանայման հարց այս պահին չի քննարկվում, այս փուլում չկա: Ամեն դեպքում ինչ-որ մի ժամանակ հնարավոր է սակագնի վերանայումը. ոչ թե, ասենք, գինը 100-ից դառնա, 150 կամ 200 դրամ, այլ ընդհանրապես սակագնային համակարգը փոխվի և ճկուն համակարգ ստեղծվի, ենթադրենք՝ թոշակառուների կամ ուսանողների համար»,- ասել է նա:
Եթերի ընթացքում Հակոբ Կարապետյանը հայտնել է նաև, որ առաջիկայում մետրո-ավտոբուս-տրոլեյբուս միասնական տոմսային համակարգ է լինելու:
Մանրամասները՝ տեսանյութում:
