Տեսանյութ.Դուք ավելի հին ու մաշված եք.Վարչապետի ամբիցիաների խաթր մենք կարող ենք երկիրը կորցնե՞լ

«Ես արժանի չէի՞, որ վարչապետը երկու տարվա մեջ ինձ ընդուներ»,– դժգոհեց Արմեն Խաչատրյանը՝ ընդգծելով, որ այժմ բողոքի ակցիա է անում ոչ իր, այլ մյուսների շահերի պաշտպանության համար, քանի որ ինքն այլևս կորցնելու ոչինչ չունի:

Նա նշեց, որ ինքը կապ չունի ոչ հների, ոչ նորերի հետ, անկուսակցական է եղել, իսկ հիմա այստեղ է ներկայացնելու գյուղացիների խնդիրները. «Ամեն ինչը սկսելու եմ գյուղերից, ներկայացնելու եմ, թե ինչ խնդիրներ ունեն, երևի ամեն տաս օրը մեկ մի մարզպետ կփոխեն»:


«Վարչապետի ամբիցիաների խաթր մենք կարող ենք երկիրը կորցնե՞լ: Ակցիաներ անելու եմ մինչև իմ ձյանը լսելի լինի: Մյուս գյուղացիներ համար է, որոնք կործանվում են, քանի որ ես գիտեմ, որ իմն արդեն կորած է: Վաղը մյուսներինն է կորելու»,- ասաց Ա. Խաչատրյանը:


Նրա խոսքով, գյուղերում ահավոր վիճակ է, «երկիրս գնում է անդունդը»:

Արմեն Խաչատրյանին բերման ենթարկեցին՝ անձը ճշտելու նպատակով:

«Անընդհատ ասում են՝ հները կգան, ախր դուք էլ եք հին, մենք թազին ենք սպասում: Դուք ավելի հին ու մաշված եք: Եթե հեղափոխություն է եղել, ինչի է բանկային համակարգը...»,-գործարարի խոսքը կիսատ մնաց, քանի որ նրան մոտեցան ոստիկաններ եւ բերման ենթարկեցին՝ անձը ճշտելու նպատակով:

Նստեք մեքենան,  ֆիզիկական ուժ կգործադրենք հիմա, եթե չնստեք: Նստեք մեքեան»,- ասաց ոստիկանը:


«Ամոթ է, Նիկոլի պատվիրանը… »,- արձագանք Ա. Խաչատրյանը:


Ա. Խաչատրյանը նստեց ոստիկանական մեքենան: