Նրանք պարզապես նայում էին կրծքիս ու ասում, որ «դա է խնդիրը».Փարիզի թանգարանը ներողություն է խնդրել այցելուից
Փարիզի ամենահայտնի թանգարաններից մեկի՝ D’Orsay-ի ղեկավարությունը ներողություն է խնդրել զբոսաշրջիկից, որին թույլ չեն տվել մուտք գործել շենք՝ խորը դեկոլտեի պատճառով, հայտնում է BBC-ն:Երիտասարդ աղջիկը D’Orsay թանգարանի մուտքի մոտ տեղի ունեցած միջադեպի մասին գրել էր Twitter- ում`կցելով թանգարան ուղևորվելուց մի քանի ժամ առաջ ռեստորանում արված լուսանկարը, որտեղ եղել է նույն զգեստով: Թանգարանի անվտանգության աշխատակիցները զգեստի բացվածքի պատճառով թույլ չեն տվել նրան շենք մտնել: Մուտքը հնարավոր է դարձել միայն վերարկու հագնելուց հետո:
Թանգարանի աշխատակիցները չեն կարողացել բացատրել, թե ինչ օրենքներ է նա խախտել այդպիսի զգեստ կրելով:
«Ոչ ոք չասաց, որ խնդիրը դեկոլտեն է, նրանք պարզապես նայում էին կրծքիս ու ասում, որ «դա է խնդիրը», – ասել է Ջինին:
Սոցցանցերում աղջկա գրառումը մեծ տարածում է գտել, արդյունքում նրան արձագանքել է թանգարանի ղեկավարությունը․
«Մենք ցավում ենք միջադեպի համար և ներողություն ենք խնդրում»։
