Բելառուսում տղամարդուն ոստիկանները մահակի միջոցով սեռական բռնության են ենթարկել
Բելառուսում տղամարդը քննչական մարմիններին պատմել է Մինսկում բողոքի ցույցի ժամանակ ձերբակալման ընթացքում ոստիկանության կողմից սեռական բռնության ենթարկվելու մասին, հաղորդում է ՌԻԱ Նովոստին:Ավելի վաղ Onliner պորտալը ներկայացրել էր տուժողի խոսքերը․ նրան ձերբակալել էին օգոստոսի 11-ին, բողոքի ցույցի ժամանակ։ Դրանից հետո տղամարդուն ծեծի էին ենթարկել՝ ամենայն հավանականությամբ ՕՄՕՆ-ի աշխատակիցները։
Բացի այդ, տղամարդը մահակի միջոցով սեռական բռնության է ենթարկվել՝ իր բջջային հեռախոսն ապաարգելափակել չցանկանալու պատճառով:
Բելառուսի քննչական կոմիտեն հայտնել է, որ կոմիտեն ստուգում է անցկացնում, քանի որ քաղաքացին «իսկապես դիմում է ներկայացրել»:
Որոշ տեղեկությունների համաձայն՝ տղամարդը դուրս է գրվել հիվանդանոցից և սեպտեմբերի սկզբին որոշել է հեռանալ Բելառուսից: Բժիշկները չեն բացառում, որ «ուղիղ աղիքի վնասվածքը տրավմատիկ ծագում ունի»:
