Զգույշ եղեք, վերջին օրերին ադրբեջանական քարոզչությունը ֆորսաժային ակտիվության փուլում է
ՊՆ կադրային և ռազմակրթական քաղաքականության գլխավոր վարչության կրթության վարչության պետ Արծրուն Հովհաննիսյանը հրապարակել է ադրբեջանական հակահայ քարոզչության շրջանակում տարծվող կեղծ փաստաթղթի լուսանկարն ու գրել.«Հարգելիներս զգույշ եղեք, վերջին օրերին ադրբեջանական քարոզչությունը ֆորսաժային ակտիվության փուլում է։ Նման կեղծ փաստաթղթերով, կեղծ լուրերով ողողել են դաշտը։
Զգոն եղեք և մի տարածեք նման բաները։ Ինձ և վստահ եմ շատերիդ վերջին օրերին ընկերության հայտ են տվել հազարավոր ֆեյքեր, կեղծ նամակներ են ուղարկում, անդադար փորձում են էջս կոտրել և այլն։
Զգույշ եղեք»։
Տեղեկատավական անվտանգության փորձագետ, բլոգեր Տիգրան Քոչարյանն էլ օգտատերերին հորդորում է հրապարակային չգրել կեղծ փաստաթղթում տեղ գտած սխալների մասին։ Դա թշնամուն հետագայում կատարելագործվելու հնարավորություն է տալիս։
