Տեսանյութ.Սա ոչ միայն հայ ժողովրդի պայքարի, այլ նաև միջազգային հանրության անվտանգության հարցն է
Ֆրանսիայի Միդի-Պիրենե մարզի և Թուլուզի հայկական ընկերակցությունը, տեղեկանալով Արցախի Հանրապետության շփման գծի ողջ երկայնքով և Հայաստանի տարածքում Ադրբեջանի և Թուրքիայի հրթիռահրետանային և ցամաքային հարձակումների մասին, սեպտեմբերի 30-ին, Թուլուզի Հայաստանի հրապարակում գտնվող հայկական խաչքարի մոտ կազմակերպել է միասնության հանրահավաք։
Հանրահավաքի նպատակն էր իրազեկել համայն աշխարհին Ադրբեջանի և Թուրքիայի սանձազերծած ապօրինությունների մասին և մեզ հետ միասին անհանդուրժողականություն ցուցաբերել: Սա ոչ միայն հայ ժողովրդի պայքարի, այլ նաև միջազգային հանրության անվտանգության հարցն է, քանի որ ադրբեջանաթուրքական տանդեմը Արցախի և Հայաստանի դեմ կռվում է վարձկան ահաբեկիչների օգնությամբ։
Հավաքի ընթացքում հնչեցին մի շարք հայրենասիրական երգեր, ելույթներ՝ նվիրված հայրենիքին օգնության ծրագրերի հրատապ իրականացմանը: Հավաքի մասնակիցներին միացան նաև քրդերը իրենց պաստառներով՝ ընդդեմ թուրքական ագրեսիայի:
Արցախը, Հայաստանը և ողջ Սփյուռքը կռվում է միջազգային ահաբեկչության դեմ։
Մենք #ՀաղթելուԵնք։
#WeWillWin #ArmeniaStrong #ArtsakhStrong